کراچی (اسٹاف رپورٹر)جوہرآباد کے علاقے میں مسلح افراد بینک سے 5/ لاکھ روپے لوٹ کر لے گئے اور سائٹ میں کمپنی کے کیشئر سے 13/ لاکھ روپے چھین کر لے گئے۔ پولیس کے مطابق جوہر آباد بلاک 14/ میں واقع الائیڈ بینک میں چار مسلح افراد داخل ہوئے اور وہاں موجود عملے کو یرغمال بنانے کے بعد 5/ لاکھ روپے لوٹ کر لے گئے پولیس نے بینک آفیسر سید صغیر عباس کی مدعیت میں مقدمہ درج کرلیا ہے۔ سائٹ کے علاقے شیرشاہ چوک کے قریب سے مسلح افراد نے مقامی کمپنی کے کیشیئرنظام سے 13/ لاکھ روپے چھین لئے وہ یہ رقم بینک سے نکلوا کر آرہے تھے۔