:::کراچی :سائٹ کی فیکٹری میں آتشزدگی ہیلی کاپٹر اور فائر بریگیڈ طلب:::

**ابو کاشان** · 23-01-08, 04:38 PM

کراچی ... کراچی کے علاقے سائٹ میں پینٹ بنانے کی فیکٹری میں ہولنا ک آگ لگ گئی ہے جسے بجھانے کے لیے شہر بھر کی فائر بریگیڈ کو طلب کر لیا گیا ہے جبکہ فضائیہ کے ہیلی کاپٹر بھی طلب کر لیے گئے ہیں ۔آگ سے جھلس کر پانچ افراد زخمی ہوئے جن میں سے دو کی حالت نازک بتائی جا تی ہے۔عینی شاہدین کے مطابق آگ دو بج کر پینتالیس منٹ پر گراؤنڈ فلور میں آگ لگی جس نے دیکھتے ہی دیکھتے پوری عمارت کو لپیٹ میں لے لیا۔آگ کی شدت دیکھتے ہوئے شہر بھر کی فائربریگیڈ کو طلب کرلیا گیا ۔ شہری حکومت کی فائر بریگیڈ کی اٹھارہ اور ڈی ایچ اے اور نیوی کے فائر ٹینڈر ز بھی آگ بجھانے میں حصہ لے رہے ہیں ۔دھویں کی وجہ سے آگ بجھانے میں شدید مشکلات پیش آرہی ہیں۔فیکٹری بہت بڑے رقبے پر پھیلی ہوئی ہے اور اس میں سیکڑوں ملازمین کام کرتے ہیں تاہم آگ لگتے ہی بیشتر ملازمین باہر نکل آئے جبکہپانچ افراد جھلس کر زخمی ہوگئے جنہیں اسپتال پہنچا دیا گیا ہے،ان میں سے دو افراد کی حالت نازک بتائی جاتی ہے۔آگ بجھانے کے لیے اسنارکل سے بھی مدد لی جا رہی ہے۔آگ کی شدت اتنی زیادہ ہے کہ اس کے شعلے کئی کلومیٹر دور سے نظر آرہے ہیں،جبکہ دو ڈھائی سو گز دور کھڑے ہونے پر بھی اس کی شدت محسوس کی جا سکتی ہے۔آگ پھیلنے کی وجہ یہ بتائی جا رہی ہے کہ فیکٹری میں رنگ اور پینٹ بنانے کاکام کی جا تا ہے۔اس کے لیے وہاں بڑی تعداد میں کیمیکل کے ڈرم بھی رکھے ہوئے ہیں۔آگ پھیلنے کی وجہ سے ڈرم بھی آگ پکڑ رہے ہیں جن کے پھٹنے سے وقفے وقفے سے زور دار دھماکے ہو رہے ہیں۔لفٹرسے ڈرموں کو باہر نکالا جا رہاہے تاکہ مزید آگ لگنے سے روکا جا سکے ۔آگ بجھانے کے لیے تین اطراف سے کوششیں کی جا رہی ہیں۔آگ کی شدت کی وجہ سے پانی بھی کم پڑ رہا ہے اور فائر بریگیڈ کی گاڑیوں کو بار بار پانی لانا پڑ رہا ہے۔آگ بجھانے کے لیے کیمیکل فوم بھی پہنچایا جا رہا ہے اور طیاروں کی مدد سے فوم فیکٹری کے متاثرہ حصے پر پھینکا جائے گا۔بتایا جا رہا ہے کہ پینٹ فیکٹری میں وارنش کا بہت بڑا ٹینک ہے اور آگ اس طرف بڑھ گئی تو صورت حال انتہائی خطرناک ہو سکتی ہے۔شہری حکومت کے رضاکاروں نے علاقے کو گھیرے میں لے لیاہے اور ٹریفک کی روانی میں مدد کر رہے ہیں۔آگ دیکھنے کی کوشش میں وہاں لوگوں کا ہجوم جمع ہوگیا ہے جسے رینجرز دور رکھنے کی کوشش کر رہے ہیں۔فیکٹری میں آنے والے دونوں راستوں کو بند کر دیا گیا ہے۔پولیس بھی موقع پر پہنچی ہوئی ہے۔پینٹ فیکٹری جس علاقے میں واقع ہے اس کے دونوں جانب بڑی بڑی فیکٹریاں واقع ہیں اور آگ پھیلنے سے روکنے کی بھر پور کوششیں کی جا رہی ہیں ماہرین ماحولیات کا کہنا ہے کہ کیمیکل میں آگ لگنے سے کاربن کی بہت بڑی مقدار فضا میں پھیل رہی ہے جس سے جلد اور آنکھیں خراب ہو سکتی ہیں ۔

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
پٹرولیم مصنوعات میں اضافے کا امکان	ALI-OAD	خبریں	0	01-02-11 01:39 AM
ہیلی کاپٹر جہاز کے انداز میں	محمدمبشرعلی	دلچسپ اور عجیب	16	11-08-10 01:13 AM
بھارت میں پٹرولم کی قیمتوں پر پہیہ جام ہڑتال	جاویداسد	خبریں	0	06-07-10 07:30 PM
یو ٹیوب سے ویڈ یو کیسے ڈاون لوڈ کریں	aazamiqbal	Ask Experts ماہرین کی رائے	22	01-05-08 03:46 PM
سوات:گن شپ ہیلی کاپٹروں سے فائرنگ،جنگجوؤں کا اسلحہ ڈپو تباہ،4 ہلاک،4 گرفتار،12 گھنٹوں کیلئے کرفیو نافذ	خرم شہزاد خرم	خبریں	0	14-11-07 02:03 PM

Currently Active Users Viewing This Thread: 1 (0 members and 1 guests)