کراچی : کراچی کے مضافاتی علاقے گڈاپ ٹاؤن میں پراسرار واردات کی اطلاع موصول ہوئی ہے جہاں ایک قبرستان سے لگ بھگ 40 بچوں کی لاشیں غائب بتائی جارہی ہیں۔
واقعہ کاانکشاف اس وقت ہوا جب عیدپرقبرستان جانے والے شہریوں کو پتا چلا کہ کافی قبریں کھدی ہوئی اور لاشیں غائب ہیں جس پر انہوں نے پولیس اور میڈیا کو آگاہ کیا۔

پولیس ذرائع کے مطابق سپر ہائی وے پر گڈاپ ٹاؤن میں واقع غلام محمد جوکھیو گوٹھ کے قبرستان میں عید کے دن لوگ اپنے عزیز واقات کی قبروں پر فاتحہ خوانی کے لیے پہنچے تو کئی قبریں کھدی ہوئی پائی گئیں جس پر لوگوں میں تشویش کی لہر دوڑ اور واقعہ کی اطلاع پولیس کو دی گئی۔

مقامی انتظامیہ کے مطابق مذکورہ قبریں5 سے 10برس پرانی ہیں اور فوری طور پر یہ نہیں کہا جاسکتا کہ کوئی واردات ہے یا کسی جانور نے قبروں سے لاشیں نکال لی ہیں۔

علاقہ مکینوں نے شک ظاہر کیا ہے کہ اس قسم کی واردات کالا جادو کرنے والے کارستانی ہوسکتی ہے جو کہ بڑی تعداد میں ہڈیاں جمع کرکے عملیات وغیرہ میں استعمال کرتے ہیں۔

کراچی:قبرستان سے40لاشیں غائب | The News Tribe