فیصل ناصر

ساتھ ہی ایک جوک بھی سن لیں

بہت ہو گیا، اب کراچی میں ایکشن سب کو نظر آئے گا،رحمان ملک

رحمان ملک نے کہا ہے کہ عوام اور حکومت نے بہت برداشت کرلیاہے اب دہشت گردوں کے خلاف آپریشن ہوگا جبکہ صوبائی وزیر داخلہ منظوروسان کا کہنا ہے کہ 3دن میں عوام دہشت گردوں کے خلاف ایکشن ہوتا دیکھے گی۔۔یہ بات انہوں نے نیشنل کرائسز مینجمنٹ سیل میں امن و امان کے حوالے سے منعقدہ اجلاس کے بعد میڈیا سے گفتگو کرتے ہوئے کہی۔ ا جلاس میں ڈی جی رینجرز،آئی جی پولیس سندھ ،ایڈیشنل آئی سمیت قانون نافذ کرنے والے اداروں افراد نے شرکت کی۔میڈیا سے بات کرتے ہوئے رحمان ملک نے کہا کہ بدامنی میں ملوث افراد کے خلاف کارروائی کی جائے گی۔ انہوں نے کہا کہ کارروائی سے متعلق زیادہ نہیں کہوں گا اب عوام کوایکشن ہوتا ہوا نظر آئے گا۔رحمان ملک نے کہا کہ جو لوگ بھی یہاں بدامنی پھیلا رہے ہیں وہ سمجھ لیں ان کے آقا ان کے کام نہیں ائیں گے۔وفاقی وزیرداخلہ نے کہا کہ جو بھی غیر قانونی طور پر پاکستان میں رہ رہے ہیں ان کے خلاف کارروائی ہوگی رحمان ملک نے کہا کہ وہ وعدہ کرتے ہیں کراچی میں امن ہوگا۔رحمان ملک نے بتایا کہ نوے ہزار افغانیوں کے پاسپورٹ اور شناختی کارڈ منسوخ کردیئے ہیں جبکہ غیر قانونی طور پر رہنے والے غیر ملکیوں کے خلاف بھی کارروائی کی جارہی ہے۔اس موقع پر صوبائی وزیر داخلہ منظور وسان نے کہا کہ صوبے میں امن قائم کرنے کے لئے وفاقی حکومت کی جانب سے مدد کی جاتی رہی ہے انہوں نے بتایا کہ حکومت جو ایکشن لیا جائے گا اس کے بارے میں پہلے سے نہیں بتاسکتے منظوروسان نے دعویٰ کیا کہ تین دن میں سب کو پتا چل جائے گا کہ امن قائم کرنے کے لئے ایکشن کیسا ہوگا۔

فیصل ناصر

کراچی : پاکستان کے ممتاز صحافی و تجزیہ نگار ہارون الرشید نے انکشاف کیا ہے کہ انہیں پیپلزپارٹی کے انتہائی اہم رہنما نے بتایا کہ صدر آصف علی زرداری نے کراچی میں عوامی نیشنل پارٹی کو متحدہ قومی موومنٹ کو قابو کرنے کے لیے فری ہینڈ دے دیا ہے۔
پاکستانی ٹی وی چینل سماء نیوز کے پروگرام نیوز بیٹ میں گفتگو کرتے ہوئے ان کا کہنا تھا کہ پیپلزپارٹی کے سینئر رہنما کا کہنا ہے کہ آصف علی زرداری ملک کے کاروباری مرکز میں اے این اے پی اور ایم کیو ایم میں ٹکراؤ ہماری کامیابی ہے۔
ہارون الرشید کے بقول وہ مقدس ماہ رمضان المبارک کے پہلے روز یہ بات قسم کھا کر کہہ رہے ہیں اور ملک کی سب سے بڑی عدالت میں اس کا ثبوت پیش کرنے کو تیار ہوں۔
ان کا کہنا تھا کہ اگر میں غلط بیانی کررہا ہوں تو مجھ پر اللہ کی لعنت ہو یا پھر اس پی پی رہنما پر جس نے یہ بات مجھے بتائی۔
ممتاز صحافی و تجزیہ نگار نے بتایا کہ ناٹو کو افغانستان میں سامان پہنچانے والے 24ہزار لاپتاکنٹینرز کراچی آتے رہے ہیں اور اس میں موجود ہتھیار کراچی میں اتارے گئے یہی وجہ ہے کہ اسلحہ کی قیمتوں میں واضح کمی رپورٹ کی گئی۔
انہوں نے کہا کہ کراچی میں پیپلزپارٹی، متحدہ قومی موومنٹ اور عوامی نیشنل پارٹی کے پاس بڑی تعداد میں ہتھیار موجود ہیں جو شہر میں بدامنی پھیلانے کا ذریعہ بن رہے ہیں۔
ہارون الرشید نے یہ بھی کہا کہ کراچی کی رولنگ پارٹی کے رہنما کے اثاثے ملک سے باہر ہیں اور یہی لوگ ملک کا امن تباہ کررہے ہیں۔
انہوں نے مزید کہا کہ کراچی میں قیام امن کے لیے رینجرز اور فوج کی قطعی ضروت نہیں پولیس کافی ہے بشرط یہ کہ اسے اس طرح کا اختیار دیا جائے جس طرح بے نظیر بھٹونے 1995ء میں دیا تھا ،یہ وقت گفتگو کا نہیں بلکہ فیصلہ کا ہے۔


لاہور: متحدہ قومی موومنٹ کی باغی جماعت مہاجرقومی موومنٹ کےوائس چیئرمین شمشاد غوری نےکہا ہے کہ روشنیوں کے شہرکراچی کو مقتل بنانےوالے ہی امن کی اپیلیں کررہے ہیں۔
لاہورمیں پریس کانفرنس کرتےہوئےشمشاد غوری کا کہنا تھا کہ کراچی میں قتل عام کرنے والے جنوبی افریقا سےآتےہیں اوراپنا کام کرنےکےبعد واپس چلےجاتےہیں۔
ان کا کہنا تھا کہ ایک جماعت نے کراچی کے 80فیصد علاقے کو آہنی گیٹ لگا کربند کررکھا ہے اورگلی محلوں میں مسلح افراد نے چوکیاں قائم کررکھی ہیں۔
ایک سوال کے جواب میں ان کا کہنا تھا کہ مہاجر قومی موومنٹ امن کی خاطر کسی بھی جماعت سےمل بیٹھنےکوتیارہے۔

فیصل ناصر

حیدر

اب سیٹلرز علاقوں میں بھی یہ دن دیکھنے کو رہ گئے تھے۔ سو وہ بھی دیکھ لیے۔

عبداللہ آدم

کاغذ کے پھول سر پر سجا کر چلی حیات
نکلی برون شہر تو بارش نے آلیا

مرزا عامر

یہ خبر بہت اہم ہے کہ مسٹر رحمٰن ملک ان ایکشن ۔ لیکن ایک مصیبت یہ ہے کہ وہ جو کہتے ہیں کرتے نہیں ۔ جو کرتے ہیں وہ دِکھتا نہیں ۔ اور اس پر ستم ظریفی یہ کہ اپنا بیان بدل دینے میں بچپن سے ماہر ہیں

Attached Images

 

__________________

میں اک دن لَوٹ کے آوں گا

فیصل ناصر

راجہ اکرام

میرا تو خیال ہے کہ کراچی کا فوری اور واحد علاج فوج ہے

عبداللہ آدم

فوج نہیں ................. نصیر اللہ بابر کی واپسی............. فوج میں ہی تو رینجرز بھی ہیں!!! بات کیپٹن کی ہے