01 ستمبر 2010
کراچی ( مانیٹرنگ ڈیسک ) نامعلوم افراد اور پولیس میں کراچی کی ایمپریس مارکیٹ کے قریب فائرنگ جاری ہے جس میں چار افرادزخمی ہونے کی اطلاع ہے۔ یہاں سے کچھ فاصلے پریوم شہادت حضرت علی ؓ کا جلوس اپنی منزل کی جانب رواں دواں ہے جسے یمپریس روڈ پر جلو س اختتام پذیر ہونا تھا۔ پولیس عزا داروں کو پیچھے کی طرف دھکیلنے کی کوشش کر رہی ہے لیکن لوگ پیچھے نہیں ہٹ رہے ۔ یہ فائرنگ ایک عمارت کی چھت اور کھڑکیوں سے کی جا رہی ہے ، فائرنگ ایک مسجد کی جانب سے بھی کی جارہی ہے اور اس کے ساتھ ساتھ آنسو گیس کا بھی استعمال جاری ہے تاہم قانون نافذ کرنے والے اداروں کے اہلکاروں نے پوزیشنیں سنبھال رکھی ہیں۔اور ایک عمارت میں چھپے حملہ آوروں کی گرفتاری کیلئے آپریشن شروع کردیا ہے اس آپریشن میں پولیس ، رینجرز اور قانون نافذ کرنے والے اداروں کے اہلکار بھی شامل ہین اور بم سکواڈ کا عملہ بھی عمارت میں پہنچ گیا ہے

__________________
جاویداسد