2010 : اکتوبر-01
کراچی (مانیٹرنگ ڈیسک)کراچی میں ایک گھنٹے کے دوران دو ڈکیتیوں میں ڈاکو 40 لاکھ سے زائد نقدی اور سیکورٹی گارڈ سے اسلحہ چھین کر فرار ہو گئے۔کراچی میں جمعے کی صبح سخت سیکورٹی کے گھنٹے کے دوران شاہراہ فیصل تھانے کی حدود میں دو بینک ڈکیتیاں ہوئیں ۔ ڈکیتی کی پہلی واردات سٹیڈیم روڈ پر یو بی ایل بینک میں ہوئی جہاں نصف درجن مسلح ڈاکو 14 لاکھ سے زائد نقدی ، سیکورٹی گارڈ سے اسلحہ اور خفیہ ریکارڈنگ سسٹم لوٹ کر فرار ہو گئے چند ہی منٹ بعد گلشن جمال میں سو نہری بینک کی برانچ سے پانچ ڈاکو 24 لاکھ سے زائد نقدی اور سیکورٹی گارڈ سے گن چھین کر فرار ہو گئے۔ پولیس کے مطابق غفلت اور لاپرواہی برتنے پر ایس ایچ او شاہراہ فیصل کو معطل کر دیا ہے۔ وزیر اعلی سندھ سید قائم علی شاہ نے واقعے کا نوٹس لیتے ہوئے سی سی پی او کراچی سے رپورٹ طلب کر لی ہے۔

__________________
جاویداسد