کراچی…رات گئے لیاری کے علاقے بہارکالونی میں پلاسٹک کے گودام میں آگ لگ گئی تاہم کوئی جانی نقصان نہیں ہوا۔ علاقہ مکینوں کے مطابق گودام میں پلاسٹک کی تھیلیاں بنانے میں استعمال ہونے والے دانوں کا اسٹاک موجود تھا ۔اچانک لگنے والی آگ نے دیکھتے ہی دیکھتے پورے گودام کو لپیٹ میں لے لیا ۔ فائر بریگیڈ کے عملے کے مطابق آگ لگنے کے باعث بجلی کی تاریں بھی متاثر ہوئی ہیں جس کے باعث جائے وقوعہ پر کرنٹ پھیل گیا اور امدادی سرگرمیوں میں دشواریاں پیش آئیں تاہم آگ پر مکمل طور پر قابو پالیا گیا ہے ۔فوری طور پر آگ لگنے کی وجہ معلوم نہیں ہوسکی ہے۔

__________________