کراچی : ڈبل روٹی کی قیمت میں چار روپے تک اضافہ



کراچی( اسٹاف رپورٹر) کراچی میں ڈبل روٹی کی قیمتوں میں دو سے چار روپے کا اضافہ کر دیا گیا ہے ۔ ڈبل روٹی مینوفیکچرر نے بتائے بغیر 14 دسمبر سے چھوٹی سادہ ڈبل روٹی کی قیمت میں دو اور میٹھی ڈبل روٹی کی قیمت میں 3 روپے اور بڑی ڈبل روٹی کی قیمت میں ریکارڈ چار روپے کا اضافہ کر دیا اس سے قبل ڈبل روٹی کی قیمت میں یکمشت اتنا اضافہ کبھی نہیں ہوا تھا ڈبل روٹی کی قیمت میں اضافے کی وجہ گندم کی قلت بتائی جاتی ہے ڈبل روٹی بنانے والے اداروں کا کہنا ہے کہ گندم کی قلت کے باعث قیمت میں اضافہ کیا گیا ہے تاہم قیمت میں اضافے کا حکومت کی جانب سے کوئی نوٹس نہیں لیا گیا ۔عوامی حلقوں نے حکومت سے ڈبل روٹی کی قیمتوں میں اس من مانے اضافے کا فوری نوٹس لینے کا مطالبہ کیا ہے۔