15 نومبر 2010
کابل(نیٹ نیوز)افغانستان میں اتحادی فوجوں کے ملٹری کمانڈر جنرل پیٹریاس نے افغان حکومت کو خبردار کیا ہے کہ امریکی فوجی حکمت عملی پر صدر حامد کرزئی کی نکتہ چینی کے خطرناک نتائج نکلیں گے۔ اس سے نہ صرف جنگ آگے نہیں بڑھے گی بلکہ میں اپنا کام بھی جاری نہیں رکھ سکوں گا ۔ امریکی او ر افغان حکام کے حوالے سے واشنگٹن پوسٹ نے اپنی رپورٹ میں بتایا صدر کرزئی نے فوجی کارروائیاں کم کرنے کی جو بات کی ہے اس پر امریکی جنرل نے مایوسی اور افسوس کا اظہار کیاہے۔ افغان حکومت کے وزیر منصوبہ بندی اشرف غنی سے ملاقات میں جنرل پیٹریاس نے کہا صدر کرزئی کے مطالبے پر حملے نہیں روکے جا سکیں ۔ راتوں میں حملے انسداد دہشت گردی کا حصہ ہیں تاہم حکام نے اس قیاس آرائی کو بے بنیاد قرار دیا کہ جنرل پیٹریاس نے مستعفی ہونے کی دھمکی دی ہے لیکن اگر کرزئی کا اصرار جاری رہا تو امریکی جنرل کے کام میں یقینی طور پر رکاوٹ پڑےگی ۔ کابل میں ایک غیر ملکی سفارت کار نے کہا کہ کرزئی کے مطالبے سے نہ صرف جنرل پیٹریاس بلکہ عالمی برادری پر اثر پڑے۔ یہ تنازع عین اسوقت اٹھ کھڑا ہوا ہے۔ جب نیٹو لیڈرز اور امریکی صدر اوباما ترین میں افغان جنگ کے حوالے سے اہم ملاقات کرنے والے ہیں اس سربراہی اجلاس میں منعقد ہو گا کہ دو ہزار چودہ تک افغانستان سے غیر ملکی فوجیں نکل جائیں گی۔

__________________
جاویداسد