سیول۔۔۔۔امریکا کے اعلیٰ جوہری مذاکرات کار کرسٹوفرہل نے شمالی کوریا کو جوہری ٹیکنالوجی سے دستبردار کرنے کیلئے جنوبی کوریا میں سینئرحکام سے بات چیت کا نیا سلسلہ شروع کر دیا۔ کرسٹوفرہل نے بدھ کو دوسرے روز بھی جنوبی کوریا کے حکام اور آئندہ ماہ قائم ہونے والی نئی حکومت کے متوقع رہنماؤں سے ملاقاتیں جاری رکھیں۔ انہوں نے جنوبی کورین حکام سے درخواست کی کہ انہیں شمالی کوریا کے جوہری پروگرام کی مکمل تفصیل فراہم کریں۔ ذرائع کے مطابق کرسٹوفرہل نے ناشتے پر جنوبی کوریا کے وزیرخارجہ سونگ من سون سے ملاقات کے بعد صدر رومیوہیون اور ان کے خارجہ پالیسی کے مشیر سے بھی ملاقات کی۔ کرسٹوفرہل نے نامزد صدر لی میوینگ باک کے نئے مشیر برائے خارجہ پالیسی پارک جن سے بھی ملاقات کی۔ امریکی خصوصی نمائندے جمعرات کو نامزد صدر سے ملاقات کریں گے۔