میانوالی (مانیٹرنگ ڈیسک)مسلم لیگ (ن) کے قائد میاںنوازشریف نے کہا ہے کہ صدر زرداری کی جانب سے ساتھ چلنے کی پیشکش کا وقت گزر چکا ۔نوازشریف کا کہنا تھا کہ اگر حکومت ان کی تجاویز پر معل کرتی اب تک کئی مسائل حل ہوچکے ہوتے۔ میانوالی میں سیلاب متاثرین کی امداد کی تقسیم کے موقع پر خطاب کرتے ہوئے انہوںنے کہا کہ وفاقی حکومت متاثرین سیلاب کی بحالی کے لئے کم از کم ایک لاکھ روپے دے انہوں نے کہا کہ میانوالی' بھکر اور لیہ سے وطن کارڈز کا اجراء کردیا ہے۔بحالی کا منصوبہ بھی جلد شروع ہوجائے گا میاں نوازشریف کا کہنا تھا کہ وہ ملک کے کونے کونے میں جا کر بحالی کے کاموں کی خود نگرانی کریں گے اور متاثرین کی مکمل بحالی تک چین سے نہیں بیٹھیں گے بعدازاں میڈیا سے گفتگو میں نوازشریف نے کہا کہ ان کی تجویز کمیشن بنا دیا جاتا تو اس وقت حکومت بھی پریشانی کے عالم میں نہ ہوتی۔ انہوں نے کہا کہ ایک طرف سیلاب زدگان کی امداد کے لئے رقوم نہیں اور اب دوسری طرف بیرونی ملکوں اور ڈونر ایجنسیوں کو حکمرانوں پر اعتبار نیں اگر حکومت اپوزیشن کو ساتھ لے کر چلتی تو کوئی مسائل حل ہوچکے ہوتے افسوس کہ حکومت نے سنہری موقع گنوا دیا۔ کرپشن کے سکینڈل نہ ہوتے تو وہ آج حکومت کے ساتھ ہوتے،حکومت بجٹ میں کٹوتی کرکے سیلاب زدگان کی مدد کرے، نجی ٹی وی سے گفتگو کرتے ہوئے انہوں نے کہا کہ حکومت اچھے اصولوں کی پاسداری کرتی،میثاق جمہوریت پر عمل کیا جاتا اور کرپشن سکینڈل نہ ہوتے تو ہم حکومت کے ساتھ ہوتے حکومت سے باہر نہ ہوتے،انہوں نے کہا کہ لوڈشیڈنگ اور بیروزگاری بڑے سنجیدہ مسائل ہیں،حکومت نے لوڈشیڈنگ کے خاتمے کیلئے کوئی قابل ذکر کام نہیں کیا،لوڈشیڈنگ سے معیشت تباہ ہو رہی ہے،انہوں نے کہا کہ حکومت ہوش کے ناخن لے اور اپنی اصلاح کرے اور اپنے پاؤں پر کلہاڑی نہ مارے،انہوں نے کہا کہ سپریم کورٹ کے حکم پر عملدرآمد نہیں ہورہا جس سے عوام میں بے چینی پھیل رہی ہے،نواز شریف نے کہا کہ وفاقی حکومت بجٹ میں کٹوتی کرکے وسائل سیلاب متاثرین کو فراہم کرے۔

__________________
جاویداسد