کرپشن کا الزام لگانے پر ارباب رحیم کو بینظیر کا قانونی نوٹس

پاکستان پیپلزپارٹی کی چیئرپرسن محترمہ بینظیر بھٹو کے وکیل سینیٹر فاروق اے نائک نے وزیراعلیٰ سندھ ڈاکٹر ارباب غلام رحیم کو ایک قانونی نوٹس ارسال کیا ہے، جس میں ان سے کہا گیا ہے کہ وہ محترمہ بینظیر بھٹو پر کرپشن کا الزام عائد کرنے کا بیان واپس لیں ، اس بیان پر معافی مانگیں اور دس کروڑ روپے ہرجانہ ادا کریں۔ اگر انہوں نے ایک ہفتے کے اندر ایسا نہ کیا تو ان کے خلاف عدالتی چارہ جوئی کی جائے گی اور فیصلے سے قبل ان کی جائیدادوں کی قرقی کرائی جائیگی ”جنگ “ سے گفتگو کرتے ہوئے انہوں نے کہا کہ یہ قانونی نوٹس وزیر اعلیٰ کی 24 اکتوبر کی پریس کانفرنس کے حوالے سے دیاگیا ہے جس میں انہوں نے بینظیر بھٹو پر 90 ارب روپے کی لوٹ مار کا الزام عائد کیا تھا ۔ انہوں نے بتایا کہ قانونی نوٹس میں ہم نے کہا ہے کہ ان کا بیان جھوٹ کا پلندہ ،لغو اور بے بنیاد ہے وہ نا صرف بینظیر بھٹو کو بدنام کر نا چاہتے ہیں بلکہ ان کی سیاسی ساکھ کو بھی خراب کر نا چاہتے ہیں۔ فاروق اے نائک نے بتایا کہ ہرجانے سے وصول ہونے والی رقم فلاحی اداروں میں تقسیم کی جائے گی

بشکریہ
جنگ

__________________