کرپٹ سیاستدانوں کے خلاف مارشل لاء جیسے اقدام کی حمایت کریں گے، الطاف حسین

**گلاب خان** · 23-08-10, 03:17 AM

کراچی (نمائندہ جنگ) متحدہ قومی موومنٹ کے قائد الطاف حسین نے کہاہے کہ کرپٹ سیاستدانوں کیخلاف مارشل لا جیسے اقدام کی حمایت کرینگے، پاکستان کو کرپٹ جاگیرداروں، وڈیروں اورسرداروں سے نجات کیلئے انقلاب ِ فرانس کی طرز کے انقلاب کی ضرورت ہے، عوام ایم کیو ایم کو اقتدارمیں لائیں ملکی دولت لوٹنے والوں کو سرعام لٹکائیں گے، اپنی زمینیں بچانے کیلئے بندوں کے پشتے توڑنے والے انسانیت کے مجرم ہیں، امریکااپنی دوہری پالیسی تبدیل کرے ، کرپٹ جاگیرداروں، جرنیلوں اور جاگیرداروں کا ساتھ دینے کی بجائے پاکستانی قوم کا ساتھ دے، فوج کے محب وطن جرنیل اورآئی ایس آئی خدارا ان ڈاکووٴں اور لٹیرے جاگیرداروں وڈیروں کاساتھ دینابند کر دیں۔ انہوں نے ان خیالات کااظہارآج لال قلعہ گراوٴنڈ عزیزآباد میں ایم کیوایم کے جنرل ورکرزاجلا س سے ٹیلیفون پر خطاب کرتے ہوئے کیا۔اجلاس میں اراکین رابطہ کمیٹی، ایم کیوایم سے تعلق رکھنے والے وزرا، ارکان قومی وصوبائی اسمبلی بھی موجودتھے ۔ اجلاس سے رابطہ کمیٹی کے ڈپٹی کنوینر ڈاکٹرفاروق ستارنے بھی خطاب کیا۔ الطاف حسین نے کہا کہ آج پورے ملک کے محب وطن عوام کیلئے یہ لمحہ ء فکریہ ہے کہ گزشتہ 63برسوں کے دوران غریب متوسط طبقے کے ایماندار لوگوں کو حق حکمرانی نہیں دیا گیا اور بڑے بڑے جاگیردار اوروڈیرے میوزیکل چیئر کے کھیل کی طرح اقتدارپر براجمان ہوتے رہے ،ملک کو دونوں ہاتھوں سے لوٹاجاتارہااورہمارے ارباب اقتدار اور اسٹیبلشمنٹ یہ سب کچھ دیکھتی رہی ہے ۔ انہوں نے کہاکہ جب 2005ء میں تاریخ کا بد ترین زلزلہ آیا اس وقت ہیلی کاپٹرز کا رونا رویا جاتا تھا،آخراس وقت پاکستان کو اربوں کھربوں کی جوغیرملکی امداد ملی تھی وہ کہاں گئی ؟ اس امداد سے قدرتی آسمانی آفات اور حادثات سے نمٹنے کیلئے آلات ، حفاظتی مشینیں ، ہیلی کاپٹر اور امدادی سامان کیوں نہ خریدا گیا؟ ڈیزاسٹر مینجمنٹ سیل کیوں قائم نہیں کیا گیا۔ انہوں نے کہاکہ آج ہمیں فیصلہ کرنا ہوگا کہ کیاہمیں انہی جاگیرداروں اور وڈیروں کیلئے کام کر نا ہے جونہ صرف غریبوں کا خون چوستے ہیں بلکہ قدرتی آفات کو بھی غریبوں کے متھے لگا کر جاگیردار زمینیں بچا لیتے ہیں ، کیا ہم زندہ بادکے نعرے لگاکر انہی کی سپورٹ کرتے رہیں گے جو ملک اور ملک کے عوام کو لوٹتے رہے ہیں اور ملک کو دولخت کرنے کے ذمہ دار ہیں اور آج باقی ماندہ ملک کو ٹکڑے ٹکڑے کرنے پر بضد ہیں ۔ الطاف حسین نے کہاکہ ہماری خارجہ پالیسی آزاداور خودمختار نہیں بلکہ بیرونی قوتوں کے زیراثر ہے، اس کے برعکس بھارت کی خارجہ پالیسی 99 فیصد پاکستان کی خارجہ پالیسی سے زیادہ موٴثر ہے، اسکی وجہ یہ ہے کہ پاکستانی وزارت خارجہ کے ارکان بیرون ملک دوروں پر پاکستان کا مقدمہ پیش کرنے کے بجائے وہاں بڑے بڑے شاپنگ سینٹروں کی سیر کرتے رہتے ہیں جبکہ انڈیا کے سفارتکار اپنے ملک کے مقدمے کو موٴثر انداز میں پیش کرتے ہیں ۔ ملک کی ناقص خارجہ پالیسی جاگیردار وڈیرے، سرمایہ کار اور کرپٹ فوجی جرنیلوں کے ذریعے تبدیل نہیں ہوسکتی۔ انہوں نے کہاکہ فوج پاکستان میں بہت منظم اور ہرکڑے اور مشکل وقت میں قربانیاں دینے والا ادارہ ہے۔ اسکے جوانوں کی اکثریت کا تعلق غریب ، محنت کش یا متوسط طبقے سے ہے، دہشت گردی کیخلاف جنگ ہو،فوج کے جوان اس میں قربانیاں دیتے ہیں ، سردی ہو، گرمی ہو ،چلچلاتی دھوپ ہو، سخت سردی ہو برف باری ژالہ باری ہووہ رات دن سرحدوں کی حفاظت کرتے ہیں۔ پاکستان میں فوجی جرنیلوں نے 63برس میں آدھی سے زیادہ مدت تک بالواسطہ یا بلا واسطہ مارشل لا کے ذریعے پاکستان پر حکومت کی ، کروڑوں عوام کے مینڈیٹ کو ایک ہی جھٹکے میں ختم کرکے پارلیمنٹ اور بنیادی انسانی حقوق پر قدغن لگائی، اگر فوجی جرنیل حکومتیں تبدیل کرسکتے ہیں ، سیاسی اور جمہوری حکومتوں کا تختہ الٹ سکتے ہیں تو انہوں نے آج تک ملک سے جاگیردارانہ ، وڈیرانہ اور کرپٹ کلچر کے خاتمہ کیلئے مارشل لا جیسا اقدام کیوں نہیں اٹھایا؟ انہوں نے پاک فوج کے محب وطن جرنیلوں کومخاطب کرتے ہوئے کہاکہ اگرمحب وطن جرنیل اس ظالمانہ جاگیردارانہ نظام کے خاتمہ اور کرپٹ اور لٹیرے سیاستدانوں سے ملک کونجات دلانے کیلئے مارشل لا طرز کا کوئی قدم اٹھاتے ہیں توہم ان کاساتھ دیں گے۔ ہم نے مارشل لا کے بہت ادوار دیکھے ہیں جوجرنیلوں نے اپنے اقتداراورذاتی مفادات کیلئے نافذ کئے، اگر فوج کے جرنیل ملک کو چور اچکوں ، ڈاکووٴں، ملکی دولت لوٹنے والوں سے نجات اورمعاشرے کی اصلاح کیلئے کوئی قدم اٹھاتے ہیں تو بڑی برائی کے خاتمہ کیلئے ہمیں چھوٹی برائی قبول ہے ۔ انہوں نے فوج کے محب وطن جرنیلوں اور آئی ایس آئی کے اعلیٰ حکام کومخاطب کرتے ہوئے کہا کہ امریکا ہو یا کوئی اور ملک، پوری قوم کواب فیصلہ کرلینا چاہئے کہ ہم نہ امریکا کی ڈکٹیشن لیں گے نہ کسی اور ملک کی ڈکٹیشن لیں گے ، ہم اپنے پیروں پر ملک کو کھڑا کریں گے ، ایمانداری ، دیانتداری سے کام کرینگے مگر ہم ہاتھوں میں کشکول لیکر ملک کی عزت و آبرو کو نہیں بیچیں گے، اس کا سودا نہیں کریں گے ۔ الطاف حسین نے کہاکہ روس اور امریکا کی سرد جنگ جو بعد میں افغان جنگ میں تبدیل ہوئی تو میں نے کھل کر اس کی مخالفت کی اور مقتدر حلقوں سے کہاکہ پاکستانی عوام کو اس جنگ میں نہ الجھائیں لیکن کسی نے نہیں سنااور اس جنگ کو اسلام اور کافروں کی جنگ قرار دیا ، روس کو کافر اور امریکا کو اہل کتاب کہہ کر مذہبی جماعتوں نے امریکا کا مقدمہ لڑا۔ اس وقت کے فوجی جرنیلوں نے امریکا اور ویسٹ سے خفیہ معاہدے کئے ،پوری قوم کو دھوکہ دیکر امریکا اور روس کی جنگ کو اسلام اور کفر کی جنگ قرار دیا۔ایسے مدرسے قائم کئے گئے ، جہاں جہاد کی ٹریننگ دی گئی۔جنگ ختم ہوگئی تو امریکہ چلا گیا اور جو ٹریننگ دینے والے اور لڑنے والے باقی بچے تھے وہ بے سہارا ہوگئے جو آج طالبان اورخود کش حملہ آوروں کی شکل میں جھوٹے پروپیگنڈے کا ایندھن بن رہے ہیں ۔ الطاف حسین نے کہاکہ پاکستان کی خارجہ اورداخلہ پالیسی اور کرپٹ سیاستدانوں کو ملک میں اقتدار دلانے میں امریکا کاعمل دخل ہے، جس سے کوئی انکارنہیں کرسکتا اوراگرکوئی کہتا ہے کہ ایسا نہیں ہے تو وہ جھوٹ بولتا ہے اور قوم کو دھوکہ دیتا ہے ۔انہوں نے امریکا کے صدر باراک اوباما اور امریکی انتظامیہ سے کہاکہ وہ پاکستان کے بارے میں اپنی ماضی کی پالیسیوں پرنظرثانی کریں۔انہوں نے محب وطن فوجی جرنیلوں اورآئی ایس آئی کے اعلیٰ حکام سمیت تمام ارباب اختیارکومخاطب کرتے ہوئے کہاکہ خدارا آپ جاگیردار ، وڈیرے ، سرداروں اور جو نو دولتئے سیاست میں آنے کے بعد کھربوں روپے کے اثاثہ جات کے مالک بن جانے والے ان چور اچکو ، ڈاکووٴں کا ساتھ دینا بند کردیں۔ حالیہ سیلاب میں جہاں آسمانی اور قدرتی آفات کا دخل ہے، وہاں اس میں سازشی عناصر یعنی جاگیردار ، وڈیرے اور سرداروں کی سازشیں بھی شامل ہیں۔ جنہوں نے اپنی فصلیں، زمینیں، جاگیریں جائیدادیں اور فارم ہاوٴسزکو بچانے کیلئے دریاوٴں کے پشتوں کو توڑا اور سیلاب کا رخ غریبوں کے دیہاتوں، گاؤں گوٹھوں کی طرف کردیا جسکے نتیجے میںآ ج کروڑوں لوگ بھوک ، افلاس بیماری کی زندگی گزار رہے ہیں۔ الطاف حسین نے کہاکہ جن جاگیرداروں اور وڈیروں نے اپنی اپنی زمینیں بچانے کیلئے پشتوں کو توڑکر سیلاب کا رخ گاؤں ، گوٹھوں دیہاتوں کی طرف کیاوہ انسانیت کے مجرم ہیں، سیلاب میں اب تک جتنے بھی لوگ ہلاک و بے گھر ہوئے ہیں اورجوتباہی ہوئی یہ اسکے ذمہ دار ہیں بلکہ یہ نسل کشی کے مرتکب ہوئے ہیں ۔ انہوں نے ارباب اختیار سے سوال کیاکہ موجودہ حکمراں ہوں یا سابق حکمراں، سیاست میں آنے سے پہلے انکے مالی اثاثہ جات کیا تھے ، اس وقت انکے پاس کتنی فیکٹریاں ، کتنی ملز، کتنی شوگر ملزتھیں اور آج انکے پاس کتنی فیکٹریاں ہیں اور کتنے اثاثے ہیں، کیا یہ قابل احتساب نہیں؟جواربوں کھربوں کے مالی اثاثہ جات رکھتے ہیں، ان میں سے کتنے حاضر اور سابق حکمرانوں نے سیلاب فنڈ میں اپنے خزانوں سے عطیات غریبوں کیلئے دیئے ؟الطاف حسین نے کہاکہ ملک کو اس وقت انقلابِ فرانس کی طرز کے انقلاب کی ضرورت ہے اورمیں تمام پاکستانیوں سے کہتا ہوںآ پ ایک مرتبہ حق پرست جماعت متحدہ قومی موومنٹ کا ساتھ دو، میں وعدہ کرتا ہوں کہ ایم کیوایم انقلابِ فرانس کی طرح ملک کی دولت لوٹنے والوں کو سرعام لٹکا کردکھائے گی۔انہوں نے کہا کہ ہمیں اب ایک باغیرت قوم بننا ہے، اس کی راہ میں جاگیردار ، وڈیرے ، بڑے بڑے سرمایہ دار اور نام نہاد ملا ، علمائے سو اگر آئے حتیٰ کہ کرپٹ فوجی جرنیل بھی آئے تو پوری قوم ایک ہو کر ان سب کا مقابلہ کریگی اور پوری محب وطن فوج کے سپاہی انشاء اللہ غریبوں ، پاکستانیوں کا اور پاکستان کا ساتھ دیں گے۔ میں تمام پاکستانیوں سے کہتا ہوں کہ آئیں ہم سب ملکر پاکستان کو بچائیں، چور اچکو ں ، ڈاکوؤں سے پاکستان کو نجات دلائیں ، غریب و متوسط طبقے کا انقلاب اور اسکی حکمرانی پاکستان میں قائم کریں اور فی الحال سب سے زیادہ توجہ اس بات پر دیں کہ سیلاب زدگان کی امداد کیلئے اپنی مدد آپ کے اصول کے تحت بڑھ چڑھ کر امداد جمع کرکے جہاں جہاں پہنچا سکتے ہیں وہاں پہنچائیں ۔ اندرون سندھ کے تمام زونوں اور سندھی بھائیوں سے دردمندانہ اپیل ہے کہ وہ بھی متاثرین کی امداد کیلئے جوممکن ہو امداد کریں ، اسی طرح اسلام آباداور راولپنڈی سمیت پنجاب بھرکے 36 ڈسٹرکٹ کے تمام یونٹوں کے ذمہ داران وکارکنان بھی اپنے گھروں سے نکلیں، اپنی مدد آپ کے تحت کیمپ لگائیں،ایک وقت کا کھانا چھوڑ کر وہ پیسہ سیلاب فنڈ میں دیں ۔ پنجاب کے مخیّر حضرات بھی ادھر ادھر مت دیکھیں اور اگر امداد صحیح لوگوں تک پہنچانی ہے تو ایم کیوایم کو اپنے عطیات دیں ۔ ایم کیوایم اور کے کے ایف نے پورے ملک میں 200سے زائد کیمپ لگائے ہیں ، حیدرآباد اور سکھر میں ہزاروں کارکنان دریاؤں کے گرد ریت کی بوریاں اور پتھر لگاکر شہروں ، گاؤں ، گوٹھوں کی حفاظت کررہے ہیں اور میں ایسے کارکنوں ذمہ داروں کو خراج تحسین پیش کرتا ہوں ۔الطاف حسین نے ایم کیوایم کی اپیل پر مفت ادویات کے کے ایف کو عطیہ کرنے والی فارماسوٹیکل کمپنیوں اوردیگرامدادی سامان جمع کرنے والے مخیرحضرات کا تہہ دل سے شکریہ ادا کیا ۔ انہوں نے کہاکہ فوجی جوان سیلاب زدگان کی جس طرح مدد کررہے ہیں اس میں جو فوجی افسران اور سپاہی سیلاب زدگان کی مددکررہے ہیں، میں ان فوجیوں کو سلام تحسین پیش کرتا ہوں اور میں دعوے سے کہتا ہوں کہ اگر ان فوجی جوانوں کے بعد اگر سیلاب زدگان کی کوئی سب سے آگے بڑھ کر ہزاروں کارکنان کی شکل میں مدد کررہا ہے تو وہ ایم کیوایم ہے۔ ایم کیوایم کے کارکنان اور رضاکارصرف پاکستان میں ہی مصروف نہیں ہیں بلکہ برطانیہ ، شیفیلڈ ، برمنگھم لندن کے ساتھ امریکہ، کینیڈا ، ساوٴتھ افریقہ، خلیجی ممالک اور دیگر اوورسیز یونٹوں میں بھی ایم کیوایم کے کارکنان سیلاب زدگان کیلئے امدادی سامان جمع کررہے ہیں ۔انہوں نے اوورسیز یونٹوں کے تمام ذمہ داران ،کارکنان اور ساتھیوں اورہمدردوں کو سلام تحسین پیش کیا۔الطاف حسین نے سیلاب میں شہید ہونیوالوں کے ایصال ثواب اوربے گھرہونیوالوں کی بحالی کیلئے دعا کی۔انہوں نے گزشتہ دنوں ٹارگٹ کلنگ میں شہید ہو نیوالوں کیلئے دعائے مغفرت کی اوردعاکی کہ اللہ تعالی ظالموں اور چوروں سے پاکستان کو نجات دلا ئے۔

روزنامہ جنگ راولپنڈی کی خبر

**ھارون اعظم** · 23-08-10, 09:30 PM

مجھے ایک بات سمجھ میں نہیں آتی، اگر یہ جاگیردار واقعی اتنے ظالم ہیں، تو ایم کیو ایم ان کے ساتھ حکومت میں شریک کیوں‌ ہے؟ ویسے بھی جاگیرداروں سے نفرت اصولوں کی بنیاد پر نہیں، بلکہ بھائی لوگوں کے لئے راہ ہموار کرنے کے لئے کی جا رہی ہے۔ تاکہ لوگ آسمان سے گر کر کجھور میں اٹک جائیں!

**فرحان دانش** · 23-08-10, 09:47 PM

یہ موضوع پہلے ہی چل رہا ہے یہاں پر
دوسری باردھاگہ پوسٹ کیا گیا ہے۔ لہذااس کو مقفل کر دیا جائے

23-08-10, 09:30 PM	#2
ھارون اعظم ذیلی ناظم تاریخ شمولیت: Dec 2007 مراسلات: 5,256 کمائي: 121,584 شکریہ: 15,097 4,239 مراسلہ میں 12,933 بارشکریہ ادا کیا گیا	مجھے ایک بات سمجھ میں نہیں آتی، اگر یہ جاگیردار واقعی اتنے ظالم ہیں، تو ایم کیو ایم ان کے ساتھ حکومت میں شریک کیوں‌ ہے؟ ویسے بھی جاگیرداروں سے نفرت اصولوں کی بنیاد پر نہیں، بلکہ بھائی لوگوں کے لئے راہ ہموار کرنے کے لئے کی جا رہی ہے۔ تاکہ لوگ آسمان سے گر کر کجھور میں اٹک جائیں! Share Share this post on Digg Del.icio.us Technorati Twitter Facebook! __________________ http:// haroonazam.wordpress.com ھارون اعظم کا بلاگ۔

23-08-10, 09:47 PM	#3
فرحان دانش Senior Member تاریخ شمولیت: Sep 2007 مقام: پاکستان عمر: 28 مراسلات: 2,784 کمائي: 41,195 شکریہ: 2,665 1,640 مراسلہ میں 3,770 بارشکریہ ادا کیا گیا	یہ موضوع پہلے ہی چل رہا ہے یہاں پر دوسری باردھاگہ پوسٹ کیا گیا ہے۔ لہذااس کو مقفل کر دیا جائے Share Share this post on Digg Del.icio.us Technorati Twitter Facebook! __________________ http://farhandanish.blogspot.com http://farhandanish.tk

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
چہر ہ کیا رنگ کیسا ،الطا ف حسین ،آئین کے منحرف اور جمہوریت دشمن ہیں : سیا سی قائدین	جاویداسد	خبریں	0	24-08-10 04:20 PM
پوسٹ کو کسی دوسرے سیکشن میں منتقل کیسے کروں ؟	مسافر	Ask Experts ماہرین کی رائے	4	06-08-09 03:24 PM
ایکس ایم ایل سکرپٹ میں‌ تبدیلی کیسے کروں ؟	راجہ صاحب	Ask Experts ماہرین کی رائے	3	14-12-08 11:44 AM
کیسے کیسے مہربان، ھمارے سیاستدان	عبدالرحمن سید	سیاست	0	29-01-08 05:46 AM
تمام سیاستدانوں کو سیکورٹی فراہم کی جائے،امریکا اور برطانیہ تحقیقات میں مدد کریں، بینظیر	عبدالقدوس	خبریں	0	22-10-07 06:37 PM

Currently Active Users Viewing This Thread: 1 (0 members and 1 guests)