25 ستمبر 2010
نئی دہلی(نیٹ نیوز) بھارتی وزیر داخلہ چدم برم نے مقبوضہ کشمیر میں حالات کو معمول پر لانے کے لئے کہا ہے کہ سارے گرفتار لوگوں کو رہا کر دیا جائے گا۔ تعلیمی ادارے کھل جائیں گے فوج کی تعداد اور مورچے کم ہو جائیں گے اور کشمیری لیڈروں سے مذاکرات کے لئے گروپ مقرر کیا جائے گا۔ جو لوگ مارے گئے ان کے ورثاءکو پانچ، پانچ لاکھ روپے ملیں گے۔ دوسر ی جانب حریت لیڈروں علی شاہ گیلانی نے کہا ہے یہ بے معنی بیان ہے چدم برم نے کبینٹ کمیٹی آن سیکیورٹی کے اجلاس کے بعد آٹھ نکاتی فارمولا پیش کیا جسے کشمیری لیڈروں نے مسترد کر دیا ۔ یاد رہے دس جون سے شروع ہونے والے بھارت مخالف مظاہروں میں فائرنگ سے 105افراد ہلاک ہوچکے ہیں اور کشیدگی بدستور موجود ہے۔

__________________
جاویداسد