پاکستان کے صدر آصف علی زرداری نے ہندوستان کے ساتھ تعلقات میں اہم اور تاریخی تبدیلی کا عندیہ دیتے ہوئے کہا ہے کہ ہندوستان پاکستان کے لیے کبھی خطرہ نہیں رہا۔ صدر آصف علی زرداری نے بھارت کے حوالے سے یہ اہم بات امریکی اخبار وال سٹریٹ جرنل کے کالم نویس بریٹ اسٹیفنس کو دیے گئے انٹرویو میں کہی ہے۔صدر آصف زرداری کا یہ انٹرویو سنیچر کے روز شائع ہوا ہے۔ صدر زرداری کے الفاظ تھے: ’ہندوستان پاکستان کے لیے کبھی بھی خطرہ نہیں رہا ہے۔‘ انہوں نے مزید کہا: ’میں، اپنے طور، اور ہماری جمہوری حکومت بیرونی سطح پر ہندوستان کے بڑھتے ہوئے اثر سے خوفزدہ نہیں ہیں۔‘کالم نویس بریٹ اسٹیفنس نے زرداری کے اس بیان کو ’تاریخ ساز‘ قرار دیا۔ پاکستانی صدر نے یہ بھی کہا کہ ہندوستان کے زیرانتظام کشمیر میں سرگرم مسلح افراد ’دہشت گرد‘ ہیں۔
اپنے انٹرویو میں صدر زرداری نے ہندوستان کے ساتھ پاکستان کے تجارتی تعلقات کو فروغ دینے کی اہمیت کو ضروری قرار دیا۔ ان کا کہنا تھا: ’ہمارے جیسے (چھوٹے) ملکوں کے لیے اقتصادی بقا کا دوسرا راستہ نہیں، ہمیں سب سے پہلے اپنے پڑوسیوں سے تجارت کرنی ہے۔‘صدر زرداری نے یہ بھی کہا کہ پاکستان کو ہند-امریکہ جوہری معاہدہ پر کوئی اختلاف نہیں ہے، بشرطیکہ پاکستان کے ساتھ بھی ’برابری‘ کا سلوک ہو۔ صدر زرداری نے کہا: ’ہم اس بات سے ناخوش کیوں ہونگے کہ دنیا کی سب سے بڑی جمہوریت (ہندوستان) دنیا کی سب سے پرانی جمہوریت (امریکہ) سے دوستی کر رہی ہے۔‘اپنے انٹرویو میں صدر زرداری نے ہندوستان کے ساتھ پاکستان کے تجارتی تعلقات کو فروغ دینے کی اہمیت کو ضروری قرار دیا۔ ان کا کہنا تھا: ’ہمارے جیسے (چھوٹے) ملکوں کے لیے اقتصادی بقا کا دوسرا راستہ نہیں، ہمیں سب سے پہلے اپنے پڑوسیوں سے تجارت کرنی ہے۔‘
آصف زرداری کا کہنا تھا کہ پاکستان کی سیمنٹ فیکٹریاں ہندوستان میں وسائل کے فروغ کے لیے مددگار ثابت ہوسکتی ہیں، پاکستانی ٹیکسٹائل مِلز کے کپڑوں کی ہندوستان میں کافی مانگ ہے اور پاکستانی بندرگارہوں کے ذریعے ہندوستان سے تجارتی تعلقات بڑھائے جاسکتے ہیں۔حال میں پاکستان کے زر مبادلہ کے ذخائر میں اتنی کمی ہوئی ہے کہ پاکستانی معیشت کو تیل اور غذائی اشیاء کی درآمد کے لیے دو ماہ سے زیادہ کے لیے پیسے نہیں ہیں۔ اس پر صدر آصف زرداری نے عالمی برادری سے ایک سو بلین ڈالر کی امداد کی ضرورت پر زور دیا۔اپنے انٹرویو میں صدرِ پاکستان نے کہا کہ وہ قبائلی علاقوں میں حالیہ امریکی حملوں پر پیدا ہونے والے اختلافات کو نظرانداز نہیں کرنا چاہتے۔ تاہم انہوں نے امریکہ سے دوستی کو اہم قرار دیا۔کالم نویس بریٹ اسٹیفنس کے مطابق صدر زرداری نے اتفاق کیا کہ امریکہ کے ڈرون طیارے ان کی حکومت کی اجازت کے بغیر حملے نہیں کررہے ہیں۔ اس بارے میں امریکہ-پاکستان مفاہمت پر صدر زرداری نے کہا: ’ہمارے درمیان مفاہمت ہے، اس معنی میں کہ ہم مشترکہ طور پر ایک دشمن کا پیچھا کر رہے ہیں۔‘
http://www.bbc.co.uk/urdu/pakistan/s...nterview.shtml