کشمیر میں فورسز کی ’دوستی مہم‘

کشمیر میں فورسز کی ’دوستی مہم‘ · 17-12-10, 08:59 PM

بھارت کے زیر انتظام کشمیر میں مظاہروں کا سلسلہ تھمتے ہی یہاں تعینات فوج، نیم فوجی دستوں، پولیس اور حکومت نے نوجوانوں کے ساتھ ’دوستی مہم‘ شروع کی ہے۔

اس مہم کے تحت دُور دراز دیہات کے طلباء و طالبات کو بھارتی شہروں کی سیر کرائی جارہی ہے اور نوجوانوں کے لیے کھیلوں کے مقابلوں کا انعقاد کیا جارہا ہے۔

حکومت اس سلسلے میں ایک منصوبے پر کام کررہی ہے جس کے تحت کمسن طلباء کے لیے مقامی سطح پر تفریح کا سازوسامان بہم روانہ کیا جائے گا۔

گجرات، راجھستان، نئی دلّی اور ممبئی کی سیر کے لیے جانے والے سولہ سالہ شارق نے بی بی سی کو بتایا: ’ابھی تک ہم نے انڈیا کو ٹی وی پر دیکھا ہے۔ آرمی کی وجہ سے ہم اپنی آنکھوں سے دیکھیں گے۔‘

جب ہمارے طلبا بھارتی شہروں میں زیرتعلیم ہوتے ہیں انہیں وہاں کی پولیس ہراساں کرتی ہے۔ اُس وقت خیرسگالی کا جذبہ کیوں غائب ہوجاتا ہے۔

میر واعظ عمر فاروق

فوج کے ایک اعلیٰ افسر نے بتایا کہ اُنیس سو اٹھانوے سے دو ہزار آٹھ تک ’سدھ بھاونا آپریشن‘ کے تحت 276 کروڑ روپے خرچ کیے گئے ہیں۔ فوج نے کنٹرول لائن سے ملحقہ دیہات میں بیشتر تعلیمی اور تربیتی ادارے بھی قائم کیے ہیں۔

فوج کے علاوہ پولیس اور سی آر پی ایف نے بھی کشمیری طلباء کو ’ بھارت درشن‘ کرانے کے منصوبے پر کام شروع کیا ہے۔ کشمیر پولیس کے سربراہ کلدیپ کھڈا نے اعلان کیا ہے کہ پولیس نے ایک ہزار آٹھ سو طلباء و طالبات کو بھارت کی سیر پر بھیجنے کے لیے ایک سو اکتیس کروڑ روپے کی رقم مختص کی ہے۔
فائل فوٹو

فوج اب کشمیر میں دوستی مہم چلا رہی ہے

شہروں اور قصبوں میں پولیس کے تعاون کے لیے تعینات سی آر پی ایف نے بھی اب نوجوانوں پر توجہ مبذول کی ہے۔ سی آر پی ایف کے ترجمان پربھاکر ترپاٹھی نے بتایا: ’ہمارا مقصد لوگوں کے ساتھ رابطہ بحال کرنا ہے۔ لیکن ان پروگرواموں سے نوجوانوں کی ذہنی نشونما بھی ہوتی ہے۔‘

ہمارا مقصد لوگوں کے ساتھ رابطہ بحال کرنا ہے۔ لیکن ان پروگرواموں سے نوجوانوں کی ذہنی نشونما بھی ہوتی ہے۔

سی آر پی ایف ترجمان

ریاستی وزیر مسٹر چِب کہتے ہیں کہ حکومت ہند نے دیہات میں رہنے والے نوجوانوں کے لیے کئی سکیموں کا اعلان کیا ہے اور انہیں کشمیر میں بھی نافذ کیا جارہا ہے۔

ان کا کہنا ہے ’سرمایہ کی کمی نہیں ہے۔ ہم ان منصوبوں کو پنچایت کی سطح پر ترتیب دیں گے تاکہ پنچایت کے ارکان ہی ان کو عملی جامہ پہنائیں۔‘

قابل ذکر ہے کہ حکومت نے پہچلے ’نیشنل یوتھ کور‘ پروگرام کے تحت تمام کشمیری اضلاع سے آٹھ ہزار نوجوانوں کی نشاندہی کی ہے جنہیں مختلف سیاحتی مقامات پر گائڈ کے طور پر تعینات کیا جائےگا۔

علیٰحدگی پسندوں اور بعض انسانی حقوق کے اداروں نے ’دوستی مہم‘ کی نکتہ چینی کی ہے۔ کولیشن آف سِول سوسائٹی کے ساتھ وابستہ خرم پرویز کہتے ہیں ’بچوں کو ایکسکرشن پر لے جانا ٹھیک ہے، لیکن حکومت ہند سمجھتی ہے کہ یہاں تعینات فورسز کے ہاتھوں ہونے والے جرائم ان اقدامات سے چھُپ جائینگے۔‘

معروف علیٰحدگی پسند رہنما میرواعظ عمرفاروق ’دوستی مہم‘ کو حکومت کا 'ثقافتی ایجنڈا قرار دیتے ہیں۔ ان کا کہنا ہے، ’جب ہمارے طلبا بھارتی شہروں میں زیرتعلیم ہوتے ہیں انہیں وہاں کی پولیس ہراساں کرتی ہے۔ اُس وقت خیرسگالی کا جذبہ کیوں غائب ہوجاتا ہے۔‘

‭BBC Urdu‬ - ‮نڈیا‬ - ‮کشمیر میں فورسز کی ’دوستی مہم‘ ‬

**عبدالقدوس** · 18-12-10, 06:12 AM

ہاہاہاہا نفسیاتی حملہ

18-12-10, 06:12 AM	#2
عبدالقدوس Administrator تاریخ شمولیت: May 2007 مقام: گوگل عمر: 24 مراسلات: 25,294 کمائي: 2,346,355 شکریہ: 18,821 12,630 مراسلہ میں 29,416 بارشکریہ ادا کیا گیا	ہاہاہاہا نفسیاتی حملہ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
دوستی ودشمنی میں اعتدال	ابن آدم	متفرقات	1	28-01-11 09:11 PM
کفار سے دوستی قرآن کی نظر میں	محمد عاصم	ایمان	0	13-05-10 06:54 PM
دوستی میں پہل کرو	خرم شہزاد خرم	عمومی بحث	48	25-08-09 06:32 PM
منتقل شدہ: ڈانسز ہماری فلموں کا لازمی جزو ہیں، دنیا میں ڈانسز کے موضوع پر فلمیں بنتی ہیں	خرم شہزاد خرم	فن و فنکار	0	08-08-07 01:17 PM
ڈانسز ہماری فلموں کا لازمی جزو ہیں، دنیا میں ڈانسز کے موضوع پر فلمیں بنتی ہیں	عبدالقدوس	فلمی دنیا	4	18-06-07 12:28 AM

Currently Active Users Viewing This Thread: 1 (0 members and 1 guests)