سوات میں کشیدہ صورت حال کے باعث لوگوں کی بڑے پیمانے پر نقل مکانی کا سلسلہ جاری ہے۔

سخت سردی میں اشیائے خوردونوش کی قلت اور دشوار راستے نقل مکانی کرنے والوں کی مشکلات میں مزید

اضافہ کررہے ہیں ۔

ضلع سوات کے علاقوں منگلور، چارباغ، تحصیل مٹہ اور تحصیل کبل میں سیکورٹی فورسز اور شدت پسندوں

کے درمیان جھڑپوں کے باعث حالات سخت کشیدہ ہیں۔ اور اشیائے خورونوش کی قلت پیدا ہوگئی ہے۔

کشیدہ صورت حال کے باعث متاثرہ علاقوں سے ہزاروں کی تعداد میں مقامی افراد اپنے گھر بار چھوڑ کردشوار

پہاڑی علاقوں سے پیدل نقل مکانی کررہے ہیں ۔جن میں بوڑھے ،بچے اور خواتین کی بھی ایک بڑی تعداد شامل

ہے۔لوگ اپنی مدد آپ کے تحت زخمیوں اور مریضوں کو سہارا دیکر بالائی علاقوں سے نیچے لارہے ہیں ۔ نقل

مکانی کرنے والوں کے لئے انتظامیہ کی جانب سے کوئی ریلیف کیمپ قائم نہیں کیا گیااور متاثرین سخت سردی

میں کھلے آسمان تلے زندگی گزارنے پر مجبور ہیں۔اسپتالوں میں بچوں ،خواتین اور بوڑھوں کی ایک بڑی تعدادزیر

علاج ہے ۔ راستوں کی بندش کے باعث زخمیوں اور مریضوں کو اسپتال منتقل کرنے میں سخت مشکلات کا

سامناہے۔

ماخذ: روزنامہ جنگ ویب سائٹ< تازہ ترین ‏منگل‏، 03‏ فروری‏، 2009ء