واشنگٹن (آئی این پی) امریکی حکام نے کہا ہے کہ امریکی کمانڈوز نے دھماکا خیز مواد اور خودکش جیکٹس کے خوف سے اسامہ کو گولیاں ماریں، برطانوی اخبار ٹیلی گراف کو دیئے گئے انٹرویو میں امریکی حکام کا کہنا تھا کہ اسامہ کو فوری ہلاک کرنے کیلئے سر میں دو گولیاں ماری گئیں جو عام طور پر خودکش حملہ آوروں کو ماری جاتی ہیں۔ کمانڈوز کو بتایا گیا تھا کہ اس کے پاس دھماکا خیز مواد ہو سکتا ہے۔ اخبار میں دعویٰ کیا گیا ہے کہ امریکی کمانڈوز کو بتایا گیا تھا کہ اسامہ بن لادن کو خودکش حملہ آور ہی تصور کیا جائے۔ یہ بھی ہو سکتا تھا کہ اس نے ہاتھ میں ریموٹ کنٹرول پکڑا ہو اور دھماکے کیلئے صرف بٹن دبانے کی دیر ہو، انہیں پیدا ہونے والی ہر قسم کی ممکنہ صورت حال کا پہلے سے بتایا گیا تھا۔
جنگ

__________________
لا فتی الا علیّ لا سیف الاّ ذوالفقار