03 ستمبر 2010
ویانا(مانیٹرنگ ڈیسک) یورپی ملک آسٹریا کی دائیں بازو کی ایک جماعت نے ملک میں مسلمانوں کے احساسات مجروح کرنے اور سیاسی مقاصد حاصل کرنے کی غرض سے ایک ”آن لائن“ گیم جاری کی ہے جس کا مقصد آسٹریا میں مساجد اور موذن پر نشانہ باندھ کر انہیں تباہ کرنا ہے۔ ”الجزیرہ نیوز“ کے مطابق ”موشی بابا“ نامی یہ ویڈیو گیم، معنی الوداع مسجد ہیں، آسٹریا کی فریڈم پارٹی نے جاری کی ہے جس کے ذریعے وہ آسٹریا کے صوبہ سٹیریا کے پیکچرسکیو نامی علاقے الیکشن میں حصہ لینے والے اپنے امیدوار کو الیکشن جتانے کی کوشش کررہے ہیں۔ گیم کے ساتھ ساتھ ویب سائٹ پر لوگوں سے اس بارے میں رائے بھی حاصل کی ہے کہ آیا مسلمانوں سے آسٹریا میں میناروں کے ساتھ مساجد کی تعمیر کی روک تھام اور قانون کو قرآن پاک پر اہمیت دینے کے حوالے سے ایک معاہدے پر دستخظ کرانے چاہئیں یا نہیں۔ آسٹریا کی سوشل ڈیموکریٹک اینڈ گرین پارٹی اور آسٹریا کی اسلامی کمیونیٹی نے اس توہین آمیزا قدم کو سخت تنقید کا نشانہ بناتے ہوئے اس کے خلاف ایک مقدمہ دائر کروایا ہے جس کے تحت کسی بھی مذہب کی توہین کرنے والے کو دو سال تک کی قید کی سزا سنائی جاسکتی ہے۔ اس کے علاوہ دیگر یورپی مماک کی طرح آسٹریا کی فریڈم پارٹی ملک میں مساجد کی میناروں کے ساتھ تعمیر اور مسلم عورتوں کے برقع اوڑھنے کے خلاف بھی ایک تحریک چلانے میں سرگرم ہے۔

__________________
جاویداسد