کوئٹہ…کوئٹہ میں گزشتہ روزفائرنگ اورراکٹ حملے میں چھ افرادکی ہلاکت کے واقعہ کے خلاف پشتونخواملی عوامی پارٹی اورہزارہ ڈیموکرٹیک پارٹی کی اپیل پرشٹرڈاؤن ہڑتال کی جارہی ہے۔ کوئٹہ شہرمیں شٹرڈاؤن ہڑتال کے دوران لیاقت بازار،پرنس روڈ،عبدالستار روڈ،قندہاری بازار،طوغی روڈعلمدارروڈ،مری آباد،فقیرمحمدروڈ،پٹیل باغ ،جناح روڈ اوراس سے ملحقہ تمام اہم کاروباری مراکز بند ہیں شٹرڈاون کی حمایت مرکزی انجمن تاجران بلوچستان اور دیگر جماعتوں نے کی ہے۔ پشتون خواملی عوامی پارٹی اورہزارہ ڈیموکرٹیک پارٹی نے سیاسی‘ جمہوری قوتوں شہریوں اور تاجروں سے اپیل کی کہ وہ شٹرڈاؤن ہڑتال کو کامیاب بنائیں۔ہڑتال کے موقع پر سیکیورٹی کے سخت انتظامات کئے گئے ہیں تاہم کسی ناخوشگوار واقعہ کی اطلاع موصول نہیں ہوئی۔شہرکے نواحی علاقے ہزارہ ٹاون میں جمعہ کی صبح نامعلوم افرادکی جانب سے فائرنگ اورراکٹ حملے میں چھ افرادکی ہلاکت کے واقعہ کے خلاف پشتون خواملی عوامی پارٹی اورہزارہ ڈیموکرٹیک پارٹی نے شٹرڈاون ہڑتال کی کال دی تھی۔

__________________
لا فتی الا علیّ لا سیف الاّ ذوالفقار