کوئٹہ میں فرقہ واریت کے نام پر تین افراد کو قتل کردیا گیا
کوئٹہ(پاک نیٹ)کوئٹہ میں دو مختلف واقعات میں تین افراد کو فائرنگ کرکے قتل کردیا گیا ۔ تفصیلات کے مطابق کرانی روڈ پر دو افراد جبکہ ایک شخص کو قمبرانی روڈ پر قتل کیا گیا ۔پولیس ذرائع نے بتایا کہ یوسف علی اور محمد عالم بروری کے علاقہ سے ہزارہ ٹائون کی طرف جارہے تھے کہ کرانی روڈ پر بروری پولیس تھانہ کی حدود میں نامعلوم افراد نے فائرنگ کرکے انہیں قتل کردیا اور لاشیں پھینک کر فرار ہوگئے ۔اس کے علاوہ کوئٹہ ہی کے علاقے قمبرانی روڈ پر منور کالونی میں نامعلوم افراد نے فائرنگ کرکے زمان نامی شخص کو قتل کردیا ملزمان فرار ہونے میں کامیاب ہوگئے پولیس نے نعشیں ضروری کارروائی کے بعد ورثاء کے حوالے کردیں ۔ان واقعات کی وجہ فرقہ واریت بتائی گئی ہے تاہم متعلقہ پولیس تھانوں نے مقدمات درج کرکے تفتیش شروع کردی ہے۔