امریکہ نے کوئٹہ میں ملا عمراورطالبان قیادت پر فضائی حملہ کرنے کی دھمکی دیدی ہیجبکہ وزیر داخلہ رحمن ملک کا کہنا ہے کہ امریکہ درست نشاندہی کرے تو طالبان قیادت کو پاکستان خود نشانہ بنائیگا۔ برطانوی اخبار سنڈے ٹائمز نے امریکی حکام کے حوالے سے ایک انٹیلی جنس رپورٹ میں دعویٰ کیا ہے کہ آئی ایس آئی کے بعض حلقے کوئٹہ میں ملا عمراور طالبان کی دیگرقیادت کو تحفظ فراہم کر رہے ہیں جس کے بعد امریکی حکام کوئٹہ میں ان رہنماؤں کی گرفتاری یا انہیں قتل کرنے کیلئے مزید امریکی کمانڈوز کوئٹہ بھیجنے پر تبادلہ خیالات کر رہے ہیں اورپاکستان سے دراندازی کے واقعات کے بعد افغانستان میں بڑھتی ہوئی دہشت گردی پر امریکی حکام مایوسی کا شکار ہیں جس کے بعد امریکہ نے ملا عمراور طالبان قیادت کے خاتمے کیلئے کوئٹہ پر ڈرون حملوں کی دھمکی دیدی ہے۔ اخبار کے مطابق یہ دھمکی امریکی حکام کے مابین بڑھتے ہوئے ان اختلافات کے بعد دی گئی ہے کہ افغانستان کی صورتحال کی صورتحال سے کس طر ح نمٹا جائے، وہاں فوج میں اضافہ کیا جائے یا عسکریت پسندوں کے خلاف آپریشن کم کرنے کیلئے فورسز کو بھی کم کر دیاجائے۔ رپورٹ کے مطابق امریکی نائب صدرجوبائیڈن نے تجویز دی ہے کہ افغانستان میں فوجیوں کی تعداد کم کر کے پاکستان کے اندر طالبان اورالقاعدہ پرتوجہ مرکوز کی جائے اوروہاں ڈرون حملوں کا استعمال بڑھایا جائے کیونکہ یہ ڈرون حملے کامیابی سے ہمکنار ہو رہے ہیں اورافغانستان میں مزید فوج بھیجنے سے وہاں صورتحال بگڑ سکتی ہے۔ رپورٹ میں مغربی انٹیلی جنس افسران کا حوالہ دیتے ہوئے بتایا گیا ہے کہ طالبان قیادت کوئٹہ سے کراچی منتقل کی جا رہی ہے جہاں ان پر فضائی یا زمینی حملے کرنا ناممکن ہے۔ لہٰذا امریکی حکام میں اس بات پر بھی بحث ہو رہی ہے کہ ان طالبان قیادت کی کراچی منتقلی سے قبل ہی کوئٹہ میں کمانڈوز بھیج دیئے جائیں تاکہ وہ ان کو گرفتاریا قتل کرسکیں۔ اخبار کے مطابق نیویارک میں ایک پاکستانی عہدیدار نے اس بات کی تصدیق کی ہے کہ امریکہ نے کوئٹہ اور بلوچستان کے دیگر علاقوں پر ڈرون حملے کرنے کی بات کی ہے تاہم اسے دھمکی نہیں کہا جاسکتا۔ برطانوی حکام کا کہناہے کہ کوئٹہ پر ڈرون حملے ناقابل فہم ہیں اس سے کشیدگی بڑھے گی۔ اخبار کے مطابق وزیر داخلہ رحمن ملک نے کہا ہے کہ ہم نے امریکہ سے کہا تھا کہ وہ کارروائی کیلئے پاکستان کو طالبان قیادت کی موجودگی سے متعلق درست نشاندہی کرے، ہم خود کارروائی کرینگے لیکن امریکہ ہمیں ابھی تک معلومات فراہم نہیں کرسکا۔ ذرائع کا کہنا تھا کہ کوئٹہ میں طالبان قیادت کی موجودگی کے بارے میں رپورٹیں بے بنیاد ہیں۔ ادھر اخبار ٹائمز نے بتایا ہے کہ امریکہ نے کوئٹہ پر میزائل حملوں کیلئے پاکستان سے اجازت طلب کی ہے تاہم اسلام آباد خود کارروائی کرنے کے حق میں ہے۔

ماخذ
امریکہ کی کوئٹہ پر ڈرون حملے شروع کرنے کی دھمکی

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین