کوہاٹ…کوہاٹ میں سیکیورٹی فورسز کے کیمپ پر خود کش حملے کی کوششکی گئی تاہم سیکیورٹی فورسز کی فائرنگ سے بارود سے بھری گاڑی کیمپ کے گیٹ پر ہی دھماکے سے پھٹ گئی۔ اطلاعات کے مطابق کوہاٹ ٹنل کے شمال میں واقع سیکیورٹی فورسزکے کیمپ پر خود کش حملے کی کوشش کی گئی تاہم سیکیورٹی فورسز کی فائرنگ سے بارود سے بھری ڈبل کیبن گاڑی گیٹ پر ہی پھٹ گئی جس کے نتیجے میں سیکیورٹی فورسز کے18اہلکار زخمی ہو گئے ہیں۔زخمیوں میں ایک انسپکٹر سمیت2افراد کی حالت نازک بتائی جاتی ہے۔ زخمیوں کا سی ایم ایچ کوہاٹ منتقل کر دیا گیا ہے۔ کوہاٹ ٹنل ہر طرح کے ٹریفک کے لئے بند کر دی گئی ہے ۔ذرائع کے مطابق گذشتہ روز طالبان کے اہم کمانڈر سمیت 4افراد کو گرفتارکیا گیا تھا اور خدشہ ہے کہ یہ حملہ انہی گرفتاریوں کا رد عمل ہے۔

__________________