کچی آبادیوں میں رہائش پذیر منارٹی سے تعلق رکھنے والوں کو لیز دی جائے،رفیق انجینئر
کراچی(اسٹاف رپورٹر) صوبائی وزیر کچی آبادیز اینڈ اسپیشل ڈولپمنٹ انجینئر محمد رفیق نے کچی آبادیوں میں رہنے والے منارٹی مکینوں کو لیز شفاف طریقے سے فراہم کرنے کی ہدایت کی ہے۔صوبائی وزیر انجینئر محمد رفیق ایڈووکیٹ سے مختلف وفود نے ملاقات کی جس میں پی پی پی منارٹی ونگ کراچی ڈویژن کے صدر انور لعل ڈین،نائب صدر عزیز،انفارمیشن سیکریٹری ڈسٹرکٹ سینٹرل لیاقت سوہرا اور جنرل سیکریٹری عنایت کے علاوہ پی پی پی ضلع ملیر کے صدر عبدالرزاق راجہ، سردار امام بخش ہوت،رفیق بلوچ،چیمبر سندھ کونسل شامل تھے۔ان وفود کے سربراہان نے مسائل پیش کئے جس میں کچی آبادی کے منارٹی ونگ سے تعلق رکھنے والے لوگوں کو مالکانہ حقوق دینے کے علاوہ یہاں ترقیاتی کام کرانے کی بھی درخواست کی۔ صوبائی وزیر نے اس موقع پر کہا کہ کچی آبادی میں رہنے والے مکینوں کو موبائل لیز ٹیم کے ذریعے لیز کے کاغذات ہر شہر میں دیئے جارہے ہیں۔ اس موقع پر سیکریٹری کچی آبادی اینڈ اسپیشل ڈیولپمنٹ دیوان اقبال کو ہدایت کی ہے کہ کچی آبادی میں رہنے والے منارٹی کے لوگوں کو لیز شفاف طریقے سے فراہم کی جائے اور ترقیاتی کام کرائے جائیں۔

__________________