کھاریاں (اے پی پی) کھاریاں میں تھانہ گلیانہ کے قریب چک مال کے علاقہ میں ایک مسافر بس پر خود کش حملے میں 7 افراد جاں بحق اور 10 زخمی ہو گئے۔ جاں بحق ہونے والوں میں ایک بچہ اور تین خواتین بھی شامل ہیں ، دھماکا اتنا شدید تھا کہ مسافر بس مکمل طور پر تباہ ہوگئی جس کے بعد ہلاکتوں میں اضافے کا خدشہ ظاہر کیا جا رہا ہے۔ تفصیلات کے مطابق کوٹلہ سے کھاریاں جانیوالی مسافر بس پر خود کش حملے سے تین خواتین اور ایک بچے سمیت 7 افراد جاں بحق جبکہ 10 زخمی ہوگئے۔ زخمیوں کی حالت تشویشناک بتائی جاتی ہے بس میں بم دھماکا کھاریاں کینٹ سے آدھا کلو میٹر تھانہ گلیانہ سے 100 گز کے فاصلہ پر ہوا۔ ہلاکتوں میں اضافہ کا خدشہ ظاہر کیا جارہا ہے۔ پولیس ذرائع کے مطابق بس کوٹلہ سے کھاریاں جا رہی تھی۔ بس میں عام شہری سوار تھے جن میں خواتین اور بچے بھی سوار تھے۔ دھماکا کے بعد پولیس نے علاقہ کو گھیرے میں لے کر زخمیوں کو قریبی اسپتال منتقل کیا کر دیا۔ امدادی سرگرمیاں شروع کر دی گئی ہیں۔
کھاریاں، مسافر بس پر خودکش حملہ، 7 افراد جاں بحق، 10 زخمی

__________________

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات