خود کو محفوظ رکھنا بہت مشکل کام ہے تقریبا 9 ماہ قبل ہمارے ایک دوست سے گن پوائنٹ پر موبائل چھین لیا گیا جس کے بعد میں نے ایک کتاب کا کچھ حصہ اردو میں‌ ترجمہ کر کے اپنے بلاگ پر لکھا "خود کو محفوظ رکھنے کے طریقے " لیکن یہاں پر تو اس سے بھی آگے کی بات ہے۔۔۔ ہمارا ملک کو معاشی اور خونی بدحالی کا سامنا کرنا پڑ رہا ہے۔۔ یہاں‌پر ذکر خونی بدحالی سے بچاو کے طریقہ کار سے متعلقہ ہے۔

پاکستان ٹیلی کام اتھارٹی متعدد بار صارفین کو تنبیہ کر چکی ہے کہ غیر قانونی کنکشن کا استعمال مت کریں۔ لیکن بے سود۔۔۔ ہمارے ملک میں موبائل کمپنیز برساتی مینڈکوں کی مانند وارد ہوچکی ہیں۔۔۔ لیکن ہمیں اس سے کیا :P

خیر جناب مدعہ کی طرف واپس آتے ہیں اور وہ ہے کہ

پاکستان ٹیلی کمیونیکشن اتھارٹی کے چیر میں صاحب نے کچھ دن پیشتر ایک نئی سروس کا اعلان کیا ہے جس کے تحت ہر شناختی کارڈ رکھنے والا صارف اپنے کارڈ نمبر کے عیوض جاری کی جاچکے کنکشنز کی تفصیلات جان سکے گا۔۔ اب آپ کو صرف کرنا یہ ہے کہ 668 پر اپنا شناختی کارڈ نمبر لکھ کر ارسال کریں اور جواب کا انتظار کریں کچھ لمحات میں آپ کو واپسی ایک ایس ایم ایس موصول ہوگا جس میں آپ کے شناختی کارڈ پر کتنے کنکشنز کا اجرا ہو چُکا ہے آپ جان سکیں گے۔۔
واضع رہے کہ حکومت پاکستان نے ایک نمبر پر 10 کنکشن رکھنے کی اجازت دئ ہوئی ہے اس سے زیادہ کنکشنز ہونے کی صورت میں بھی آپ سے جواب طلبی کی جاسکتی ہے۔
اور اندازہ کریں کہ اگر آپ کے نمبر پر جاری کردہ کنکشن اگر کوئی ملک دشمن استعمال کر رہا ہوا تو آپ کو کتنا مزہ آئے گا۔۔۔ ممکن ہے آئی ایس آئی کے ساتھ ساتھ بلیک واٹر کو بھی جواب دینا پڑجائے اور مفت میں امریکہ کا تو نہیں لیکن گوانتا نامو کو ویزہ ضرور لگ ہی جائے۔۔۔

اس لئے 2 روپے بچانے کی کوشش مت کریں اور ابھی تفصیلات جان کر ایسے کنکشنز کو بند کروائیں جو آپ کے نہیں۔۔