فیصل ناصر

بہترین شئرنگ ہے Real_Light بھائی ۔

wajee

ارے میرے بھائی اسکا خلاصہ ہی لکھ دیتے نا اتنا کون پڑھے

سام

زبردست شئرنگ ہے سوچنے پر مجبورکردینےوالی تحریرہے

راشد احمد

اچھی شئیرنگ ہے۔ شکریہ

Real_Light

محترم اتنا بڑا آرٹیکل تو نہیں ہے۔۔۔۔ ہمت کریں۔۔دس منٹ میں تمام آرٹیکل پڑھا جا سکتا ہے ۔

Fawad

اس تھريڈ ميں پوسٹ کيے گۓ آرٹيکل کے انداز تحرير سے واضح ہے کہ يہ اسی مخصوص نظريہ اور سوچ کی عکاسی کرتا ہے جس کے تحت "ہر مسلۓ کا قصور وار امريکہ ہے" اور اس کا واحد مقصد جذبات بھڑکانہ، سياسی تجزيے کے نام پر واقعات تخليق کرنا اور نت نئ سازشی کہانياں بنانا ہے۔

اس طرح کے کالم لکھنے والے لکھاريوں کے نزديک ثبوت اور ريفرنس تو درکنار متوازن اور قابل فہم منطق کی بھی کوئ اہمیت نہيں ہوتی۔

ليکن انھی لکھاريوں کے اپنے قائم کردہ معيار کو مدنظر رکھنے کے باوجود اس آرٹيکل ميں جس طريقے سے حقائق اور سچ کو مسخ کيا گيا ہے، وہ ميرے لیے حيران کن ہے۔

يہ دعوی کرنا کہ امريکہ نے بوسنيا کے عوام کے لیے کچھ نہيں کيا، ايسے ہی ہے جيسے يہ دعوی کيا جاۓ کہ عمران خان نے پاکستان ميں کرکٹ کے لیے کچھ نہيں کيآ۔

اس نوعيت کا بے بنياد اور غلط بيان 90 کی دہائ کے ان مشکل دنوں ميں امريکہ کی جانب سے بوسنيا کے عوام کی حفاظت کے لیے کی جانے والی کوششوں اور امريکی امداد کی ايک مکمل تاريخ کو نظرانداز کرتا ہے۔

امريکی حکومت نے بوسنيا کی تعمير نو کے لیے قريب ايک بلين ڈالرز کی مدد فراہم کی تھی۔ ڈيٹن پيس ايکارڈ کی حمايت ميں يو – ايس – ايڈ کے زير نگرانی امريکہ کی بيرون ملک امداد کے پروگرام کے ذريعے ايک مستحکم، جمہوری ،لسانی تضادات سے پاک اور آزاد معيشت کے حامل بوسنيا کی تشکيل ميں ہر ممکن مدد کی گئ ہے۔ اس کے علاوہ ديگر جن شعبوں ميں امريکی مدد فراہم کی گئ ہے ان ميں انسانی حقوق، دہشت گردی کے سدباب، کسٹمز، اسٹيٹ بارڈر سروس کے علاوہ معيشت کی اصلاح کے لیے تجاويز اور مدد شامل ہے۔

سال 1996 سے 2000 تک يو – ايس – ايڈ کی مد ميں 890 ملين ڈالرز کی امداد کے دو اہم مقاصد تھے۔ جنگ کے نتيجے ميں تباہ شدہ عمارات کی مرمت کر کے بے دخل ہونے والے مہاجرين کی آباد کاری کے ذريعے نسلی امتياز کا خاتمہ کرنا اور نجی شعبے ميں چھوٹے اور درميانے درجے کے کاروبار کی ازسر نو بحالی کے لیے سرمايہ مہيا کرنا تاکہ بينکنگ کے سسٹم کو پھر سے اپنے پيروں پر کھڑا کيا جا سکے۔

سال 2001 سے 2005 کے درميان يو – ايس – ايڈ مہيا کيے جانے والے 200 ملين ڈالرز کے تين اہم مقاصد تھے جن ميں اقليتوں کی آبادکاری، معاشی نظام کی بحالی اور جمہوری اداروں کی تنظيم نو شامل تھی۔ سال 2005 تک زيادہ تر متاثرين اور مہاجرين اپنے گھروں کو لوٹ چکے تھے۔ يو – اين – ايچ – سی – آر کے اندازے کے مطابق قريب دو ملين مہاجرين ميں سے 1 ملين اپنے سابقہ گھروں ميں آباد کيے جا چکے تھے۔ 99 فيصد مہاجرين کے زمينی حقوق بحال کيے جا چکے تھے۔
ميں نے جن امدادی کاروائيوں کا خلاصہ بيان کيا ہے، اس کی تفصيلات آپ اس دستاويز میں ديکھ سکتے ہيں۔

http://www.usaid.ba/Key%20Docs/Post%...plishments.pdf

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State

Fawad

اس تھريڈ ميں کالم نگار نے واقعات کا جو تسلسل بيان کيا ہے اس سے يہ تاثر ملتا ہے کہ امريکہ اور سی – آئ – اے جيسے کوئ ناقابل شکست اور اختيارات سے مالا مال قوتيں ہیں جو دنيا کے کسی بھی ملک کے سياسی، معاشی اور معاشرتی منظرنامے کو کنٹرول کر سکتے ہیں۔

اس مفروضے کا حقيقت سے کوئ تعلق نہيں ہے۔

اس کالم ميں جن بے شمار بے بنياد سازشی کہانيوں کا ذکر "تاريخی واقعات" کے تناظر ميں کيا گيا ہے، ان کی تفصيل ميں جاۓ بغير کچھ حقائق آپ کے سامنے رکھنا چاہتا ہوں۔

سال 1992 ميں بوسنيا ہرزيگونيا نے ميسيڈونيا کے ساتھ سابقہ يوگوسلاويہ سے عليحدگی اور اپنی آزادی کا اعلان کر ديا۔ يہاں يہ حققیت قابل غور ہے کہ ابتدا ميں امريکہ نے اس تقسيم کی شديد مخالفت کی تھی کيونکہ اس کے نتيجے ميں جنگ کے قوی امکانات تھے۔ يہ وہی سال تھا جب امريکی صدر جارج بش سينير صدارتی اليکشن ميں شکست کھا گۓ تھے۔ ميں آپ کو يہ بھی ياد دلا دوں کہ جارج بش سينير 70 کی دہائ میں سی – آئ – اے کے چيف تھے۔

يہ مفروضہ منطق اور فہم سے عاری ہے کہ ايک طرف تو امريکی صدر اور سی – آئ – اے اتنے طاقتور، اثر ورسوخ اور وسائل سے مالا مال ہوں کہ يوگوسلاويہ کی تقسيم کے منصوبے کو کامياب کر سکيں اور دوسری جانب اتنے کمزور اور اختيارات سے عاری ہوں کہ خود اپنے ملک میں اپنے ہی لوگوں کی سوچ اور انکی حمايت حاصل نہ کر سکيں۔

طاقت کا بنيادی اصول يہ ہے کہ اس کا آغاز اپنے گھر سے ہوتا ہے۔ اس ميں کو‏ئ شک نہيں کہ امريکہ دنيا ميں ايک اہم طاقت کی حيثيت سے اپنا ايک مقام رکھتا ہے۔ ليکن اس کا يہ مطلب ہرگز نہيں ہے کہ امريکہ ہزاروں ميل دور آباد ممالک کی قسمت کا فيصلہ کر سکتا ہے۔ نہ ہی امريکہ کے پاس اس کے اختيارات ہيں اور نہ ہی اس کی خواہش۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State