کینیڈا ،زیر حراست4 مبینہ دہشت گردوں کے خلاف مقدمات ختم
ٹورنٹو…کینیڈا میں حراست میں لئے گئے چار مبینہ دہشت گردوں کے خلاف مقدمے ختم کردئیے گئے ہیں ۔ٹورنٹو میں کینیڈا کے وفاقی پراسیکیوٹر کے حکام نے بتایا کہ اگر ان افراد کے خلاف مزید ایک سال تک کوئی کاروائی نہیں کی گئی تو ان کو رہا کردیا جائے گا۔چار میں سے تین افراد نے جن پر الزامات لگائے گئے ہیں انھوں نے امن معاہدے پر دستخط کردئے ہیں کہ وہ صاف ستھری زندگی گزاریں گے اور کچھ مخصوص لوگوں سے میل جول نہیں رکھیں گے ۔یہ چار افراد ان اٹھارہ لوگوں میں شامل تھے جنھیں جون دوہزار چھ میں گرفتار کیا گیا تھا اور جن پر کینیڈا کے اہم شہروں میں بم دھماکے کرنے کی منصوبہ بندی اور دہشت گرد گروہ سے تعلق رکھنے اوردہشت گردی کی تربیت دینے کا الزام تھا ۔گذشتہ سال بھی گرفتار کردہ تین دیگر مبینہ دہشت گردوں کے خلاف الزامات ختم کردئے گئے تھے۔

__________________