گروپ 14 مارچ امریکی آلہ کار ہے
حزب اللہ لبنان کے سربراہ سید حسن نصر اللہ نے کل رات حکمراں جماعت کو امریکی دستورات اجراء کرنے پر خبردارکرتے ہوئے کہا ہے کہ امریکہ حکمراں جماعت کو اپنے اہداف تک پہنچنے کے لئے آلہ کار بنائے ہوئے ہے کیونکہ امریکہ لبنان پر اپنی مرضی کی حکومت قائم کرنا چاہتا ہے ۔
مہرخبررساں ایجنسی نے فرانسیسی خبررساں ایجنسی کے حوالے سے نقل کیا ہے کہ حزب اللہ لبنان کے سربراہ سید حسن نصر اللہ نے کل رات حکمراں جماعت کو امریکی دستورات اجراء کرنے پر خبردارکرتے ہوئے کہا ہے کہ امریکہ حکمراں جماعت کو اپنے اہداف تک پہنچنے کے لئے آلہ کار بنائے ہوئے ہے اور امریکہ لبنان پر اپنی مرضی کی حکومت قائم کرنا چاہتا ہے ۔ لبنان میں امریکہ کا ایک مقصد یہ ہے کہ وہ اس ملک میں اپنی مرضی کی حکومت برسراقتدارلاناچاہتاہے انھوں نے کہاکہ لبنان کی موجودہ حکومت بھی امریکہ کی اس سلسلے میں مددکررہی ہے۔انھوں نےکہاکہ امریکہ یہ بھی نہیں چاہتاکہ لبنان میں استقامت اورمزاحمت کا عنصرقائم رہے اورامریکہ کا ایک اورمقصد فلسطینی پناہ گزینوں کو لبنان میں ہمیشہ ہمیشہ کے لئے آباد کرادیناہے تاکہ اس طرح اسرائیل بے فکر ہوجائے ۔سید حسن نصراللہ نے لبنان میں سیاسی قتل کی وارداتوں کے بارے میں کہاکہ ان واقعات میں مختلف عناصر اوران کے ایجنٹ شامل ہیں لیکن ان تمام واقعات میں اسرائیل کاہاتھ ہے ۔انھوں نے بعض حلقوں کی طرف سے ظاہرکئے جانے والے ان خیالات کو کہ خزب اللہ ایک ایرانی یا شامی تنظیم ہے مسترد کرتے ہوئے کہاکہ اس طرح کے دعوے انتہائي مضحکہ خیزہیں اور میں یہ بات زوردیکرکہناچاہوں گا کہ حزب اللہ کبھی بھی دوسرے ملکوں کی خواہشات اور ارادوں کی تابعدارنہیں رہی ہے اوریہ تنظیم دنیاکی سب سے زیادہ منظم اور با اثر تنظیموں میں شامل ہے