گورنر اور وزیراعلیٰ کی وزیراعظم سے ملاقات، ترقیاتی کاموں سے آگاہ کیا
کراچی (اسٹاف رپورٹر) وزیراعظم مخدوم محمد یوسف رضا گیلانی جمعہ کو دو روزہ دورے پر کراچی پہنچ گئے۔ گورنر سندھ ڈاکٹر عشرت العباد خان، وزیراعلیٰ سندھ سید قائم علی شاہ اوردیگر صوبائی وزراء اور ارکان پارلیمنٹ نے ایئرپورٹ پر ان کا استقبال کیا ۔ وزیراعظم سیدھے اسٹیٹ گیسٹ ہاؤس پہنچے جہاں ان سے گورنر ، وزیراعلیٰ اور دیگر لوگوں نے غیر رسمی ملاقات کی۔ گورنر اور وزیر اعلیٰ نے انہیں صوبے کے ترقیاتی کاموں سے آگاہ کیا۔ وزیراعظم ہفتہ کی صبح چیف منسٹر ہاؤس میں سندھ کابینہ کے اجلاس میں شرکت کریں گے اور سندھ کابینہ کو اپنی حکومت کے 100 دن کے پروگرام کے حوالے سے گائیڈ لائن دیں گے ۔ وزیراعظم صوبے میں امن وامان کی صورتحال اوردیگر معاملات پر بھی سندھ کابینہ کے ارکان سے تبادلہ خیال کریں گے ۔ وزیراعظم ، وزیراعلیٰ سندھ سے بھی ون ٹو ون ملاقات کریں گے۔

__________________