جو نادہندگان اپنے معاف کرائے گئے قرضے واپس نہیں کریں گے ان کےخلاف کارروائی کی جائے گی
قرضوں کی معافی میں سرکلر 29 کا غلط استعمال ہوا ہے‘ قرضوں کی معافی کےخلاف ازخود نوٹس کیس
اسلام آباد (سپیشل رپورٹر) سپریم کورٹ نے 256 ارب کے قرضوں کی معافی کے خلاف ازخود نوٹس کیس کی سماعت کرتے ہوئے گورنر اسٹیٹ بینک کو حکم دیا کہ وہ اپنے اختیارات کا استعمال کرتے ہوئے قرضے معاف کرنےوالے بینکوں کیخلاف کارروائی کریں۔ قرضوں کی معافی میں سرکلر 29 کا غلط استعمال ہوا ہے۔ چیف جسٹس نے کہا کہ جو نادہندگان اپنے معاف کرائے گئے قرضے قومی خزانے میں جمع نہیں کراتے ان کے خلاف عدالتی کارروائی شروع کرنے کےلئے سپریم کورٹ حکم دے گی کہ ان کے مقدمات کے چالان بینکنگ کورٹس میں پیش کئے جائیں گے اور ان کیخلاف عدالتی کارروائی شروع کی جائےگی۔ گورنر اسٹیٹ بینک اپنے اختیارات کا استعمال کریں۔ عوام کے حقوق کو تحفظ نہیںجبکہ سرماےہ داروں کے کارخانے اےک سے دو اور دو سے چار ہو رہے ہیں۔ چیف جسٹس کی سربراہی میں فاضل بینچ نے کیس کی سماعت کی۔ چیف جسٹس نے کہا دنیا بھرمیں قومی دولت حاصل کئے گئے قرضوں کی معافی کے حوالے سے سخت قوانین موجود ہیں۔ پاکستان میں بھی سخت قوانین کی ضرورت ہے۔ معاف کی گئی رقم قوم کی امانت ہے۔ سٹیٹ بینک کے وکیل سید اقبال حیدر نے ریڈکو ٹیکسٹائل اور انڈس شوگر مل کے قرضوں کے حوالے سے الگ الگ رپورٹ پیش کرتے ہوئے بتایا ہے کہ یو بی اےل نے باہر سے مشینری وغیرہ منگوانے کےلئے ریڈکو ٹیکسٹائل کو قرضہ دیا تھا جو کہ سیف الرحمن اینڈ برادرز اور انکی فیملی کے نام ہے۔ ریڈکو ٹیکسٹائل نے اےک ارب11 کروڑ 60 لاکھ روپے کا قرضہ واپس نہ دیا لےکن مالک قرضہ واپس کئے بغیر دبئی چلا گیا۔ قرضہ معاف کر دیا گیا۔ چیف جسٹس نے کہا کہ کیا اسٹیٹ بینک صرف رپورٹیں ہی تیار کرتا ہے یا کچھ وصولی بھی کی ہے۔ ریڈکو والے نادہندہ ہو گئے ہیں لےکن اس کے باوجود مل چل رہی ہے‘ کاروبار ہو رہا ہے اور پیسہ دبئی لےکر جا رہے ہیں۔ ہم عدالتوں کو کہیں گے کہ ریڈکو کے بارے میں زیر التواءمقدمات کا فیصلہ تین ماہ میں کریں گے۔ چیف جسٹس نے ریڈکو کے حوالے سے کہا کہ ےہ صرف اےک کمپنی ہے جس کے اربوں روپے معاف کئے گئے‘ پتہ نہیں اور کتنی کمپنیوں نے قرضے معاف کرائے ہیں۔ امریکہ اور برطانےہ میں قرضوں کی معافی کے حوالے سے قوانین بہت سخت ہیں جبکہ ہمیں بھی اس طرح کے سخت قوانین بنانے ہوں گے۔ عدالت نے کہا کہ معاف کرائے گئے قرضے واپس لےکر قومی دولت میں جمع کرائے جائیں۔ بصورت دیگر قرضے معاف کرانے والوں کیخلاف مقدمات کی کارروائی شروع کرنے کے احکامات دیں گے اور مزید سماعت 14 مارچ تک ملتوی کردی۔
11-03-11, 06:59 AM
11-03-11, 06:59 AM
Linear Mode
Similar Threads
