16ستمبر 2010

اسلا م آ باد(مانیٹرنگ ڈیسک) پنجاب کے وزیر قانون رانا ثنااللہ نے کہا ہے کہ لاہو رہائی کورٹ کے چیف جسٹس خواجہ شریف قتل سازش کے حوالے سے ایجنسیوں کی رپورٹ سے وفاقی حکومت کو آگاہ کیا گیا ہے۔اسلام آباد میں الیکشن کمیشن میں اجلاس میں شرکت کے بعد میڈیا سے بات چیت میں انہوں نے کہا کہ ذرائع کی رپورٹ سو فیصد درست نہیں مانی جاسکتی اور اس پر وفاقی وزیر داخلہ رحمان ملک کو بر ہم نہیں ہونا چاہیئے۔ ان کا کہنا تھا کہ گورنر پنجاب اس طرح کے بیانات دیتے رہتے ہیں جن سے صوبائی حکومت کیلئے امن عامہ کا مسئلہ پیدا ہوتا ہے۔ گورنر پنجاب کا دماغی توازن درست نہیں ہے۔

__________________
جاویداسد