برلن۔۔۔جرمنی میں ہونے والی گھریلو ٹیکسٹائل مصنوعات کی عالمی نمائش میں پاکستان نے تیسری پوزیشن حاصل کرلی ۔جرمنی کے شہر فرینکفرٹ میںheimtextilکے نام سے ہونے والی نمائش میں پاکستان کی 164 کمپنیوں نے حصہ لیا ۔ان میں سے 119 کمپنیوں نے براہ راست جبکہ 45 کمپنیوں نے ٹریڈ ڈیولپمنٹ اتھارٹی آف پاکستان کے مالی تعاون سے نمائش میں شرکت کی ۔ پاکستان نے کامیابی کے تمام سابقہ ریکارڈ توڑتے ہوئے پہلی مرتبہ ٹاپ تھری میں جگہ بنائی ۔اس موقع پر پاکستان کوگھریلو ٹیکسٹائل کے شعبے میں لاکھوں ڈالر مالیت کے آرڈربھی دیئے گئے۔نمائش میں جرمنی نے پہلی ،بھارت نے دوسری جبکہ چین اور ترکی نے بالترتیب چوتھی اور پانچویں پوزیشن حاصل کی ۔