14 نومبر 2010
کراچی(مانیٹرنگ ڈیسک)طبی ماہرین کا کہناہے کہ پاکستان میں ہر تیسری عور ت اور ہر پانچواں مرد ہڈیوں کے بھربھرے پن کا شکار ہے جس کی وجہ سے معمولی چوٹ پر ہڈی ٹوٹ جاتی ہے۔ نجی ہسپتال میں ہڈیوں کے بھربھرے پن پر ہونے والے سیمینار سے خطاب میں ماہرین کا کہنا تھا کہ ہڈیوں میں کیلشیم اور وٹامن ڈی کی کمی کے باعث یہ بیماری پاکستان میں بھی تیزی سے بڑھ رہی ہے۔ انہوں نے کہا کہ ہڈیوں کا بھربھرا پن ایک خاموش مرض ہے جو بڑی عمر کی خواتین اور مردوں میں ہوتا ہے ۔ ماہرین نے مشورہ دیا کہ بچوں خصوصاً لڑکیوں کو بچپن سے ہی دودھ اور دہی سمیت کیلشیم والی دیگر غذائیں دینی چاہئیں۔

__________________
جاویداسد