پاکستان کے وزیر اعظم یوسف رضا گیلانی نے کہا ہے کہ جوائنٹ سٹاف آفس کی جانب سے امریکہ کو خط بھیج دیا گیا ہے جس میں ان سے کہا گیا ہے کہ گیارہ دسمبر تک شمسی ایئر بیس کو خالی کر دیا جائے۔
دبئی کے قومی دن کےموقع پر کراچی میں جاری نمائش کی تقریب کے بعد میڈیا سے بات کرتے ہوئے وزیر اعظم نے کہا کہ پاکستان چاہتا ہے کہ افغانستان میں بھی استحکام ہو۔
ان کا کہنا تھا کہ ’اگر افغانستان کی سرزمین پاکستان کے خلاف استعمال ہوگی تو اسے برداشت نہیں کیا جائے گا۔‘
وزیر اعظم یوسف رضا گیلانی نے بتایا کہ ان سے افغانستان کے صدر حامد کرزئی نے رابطہ کرکے بون کانفرنس میں شریک ہونے کے لیے کہا تھا۔ پاکستانی وزیر اعظم نے کہا کہ انہوں نے افغان صدر کو بتایا کہ افغانستان کی سرزمین پاکستان کے خلاف استعمال ہوئی ہے اس پر پاکستان احتجاج کر رہا ہے۔
’حامد کرزئی نے کہا کہ یہ حملہ انہوں نے نہیں کیا نیٹو اور امریکہ نے کیا ہے، میں نے انہیں کہا کہ ہماری شرکت کے لیے پھر آپ امریکہ سے بات کریں۔‘
یوسف رضا گیلانی کے مطابق ہمیں اپنے ملک کی حفاظت کرنی ہے اور اس کے دفاع کے لیے کام کرنا ہے۔
انہوں نے کہا کہ اگر ہم افغانستان کی سلامتی کے لیے کوشش کر رہے ہیں اس کے لیے بون جانا ہے تو پھر ہماری سلامتی کی کون ضمانت دے گا۔
وزیر اعظم یوسف رضا گیلانی نے کہا :’ جب تک پاکستان کی خود مختاری سلامتی اور عزت و ناموس کی ضمانت نہیں دی جائےگی بون کانفرنس میں شریک نہیں ہوں گے۔‘

ح

__________________
اے ایمان والو اللّٰہ سے ڈرو اور اسکی طرف وسیلہ ڈھونڈو (جس کی بدولت تمہیں اس کا قُرب حاصل ہو ) اور اس کی راہ میں جہاد کرو اس امید پر کہ فلاح پاؤ (المائدہ 35)