ہم نے امریکی سامراج کی تمام چالیں ناکام بنادی ہیں،کیوبن سفیر

) پاکستان میں تعینات کیوبن سفیر گستاوو میجن گومیز نے کہا ہے کہ دنیا میں کیوبا کو تنہا کرنے اور معاشی و اقتصادی پابندیاں عائد کرنے کی امریکی سیاست ناکام ہو چکی ہے۔ امریکی صدر جارج بش کی کیوبا کے خلاف زہر پاشی کوئی معنی نہیں رکھتی۔ان خیالات کا اظہار مقررین نے گزشتہ جمعہ کی شام آئی ایس ایس آئی میں ”گزشتہ چھ سال کے دوران اقوام متحدہ سے انصاف کے حصول کی کیوبن کوششیں“ کے عنوان سے منعقدہ سیمینار سے خطاب کرتے ہوئے کیا۔انہوں نے مزید کہا کہہم نے امریکی سامراج کی تمام چالیں ناکام بنا دی ہیں ہمارے ملک کی تاریخ سامراجی قوتوں کے خلاف جدوجہد سے بھری پڑی ہے ہم 410 سال ہسپانوی اور 57 سال امریکی سامراج کے زیر اثر رہے اور مسلسل جدوجہد اور انقلاب کے بعد 1959ء میں کامیابی حاصل کی۔اس موقع پرڈائریکٹر جنرل انسٹیٹیوٹ آف سٹریٹجک سٹڈیز اسلام آباد ڈاکٹر شیریں مزاری نے کہا کہ سامراجی قوتوں کے خلاف لاطینی امریکہ خصوصاً کیوبا کی جدوجہد قابل رشک ہے۔ ان ملکوں کے پاس کوئی بڑی فوجی طاقت اور ایٹمی ہتھیار نہیں صرف قومی اتحاد و یگانگت کی دولت سے مالا مال ہیں ۔سابق وزیر خارجہ اور آئی ایس ایس آئی کے چیئرمین انعام الحق نے کہا کہ کیوبا کے لیڈر فیدل کاسترو اپنی ذات میں ایک ادارہ اور مرد آہن ہیں۔ انہوں نے جس طرح 1962ء کے امریکہ کیوبا میزائل تنازعہ کے بعد سے اب تک کیوبا اور اس کے عوام کی بے پناہ خدمت کی اور امریکہ کے تمام تر سیاسی، سفارتی اور اقتصادی دباؤ کو مسترد کردیا۔

بشکریہ
جنگ

__________________