گلاب خان

اسلام آباد(جنگ نیوز) پاکستان کے مایہ ناز ایٹمی سائنسدان ڈاکٹر عبدالقدیر خان نے حقیقی آزادی کے لیے پاکستان عوامی انقلاب کا ساتھ دینے کی اپیل کی ہے۔ اپنے ایک بیان میں انہوں نے کہا کہ بعض جماعتوں نے اس سال پھر14اگست کو یوم آزادی بڑی شان سے منانے کا اعلان کیا ہے اور کروڑوں روپے اس کی تشہیر پر لگارہی ہیں، یوں گمان ہوتاہے کہ آزادی کے اصل وارث یہ ہی ہیں اور قائداعظم وصیت کرکے گئے تھے کہ میرا اصل جانشین فلاں فلاں شخص ہوگا۔ اور ماشاءاللہ ہماری موجودہ حکومت اور ان کے اتحادیوں نے جس طرح اپنی نااہلی، لوٹ کھسوٹ اور غیرملکیوں کی فرماںبرداری سے نام کمایا ہے، ان کو تو جشن منانا ہی چاہیے۔خوب منائیں آزادی کا جشن،عوام کی پامالی، بدحالی کا مذاق بھی اڑائیں مگر میں اس خصوصی موقع پر اپنے ہم وطنوں سے سوال کرتاہوں کہ ایمان سے بتائیں کیا ہم آزاد ہیں؟وکی لیکس کی رو سے آپ سب جانتے ہیں کہ ہمارے پیارے”اسلامی جمہوریہ پاکستان“ کے صدر آصف علی زرداری امریکیوں سے سرگوشیاں کرتے رہے ہیں کہ میرا بس نہیں چلتا ورنہ میں ڈاکٹر عبدالقدیر خان کو آپ کے حوالے کردوں۔ شرم آتی ہے جس پارٹی کا سربراہ ذوالفقار علی بھٹو جیسا شخص تھا جن کو امریکی وزیر خارجہ ہنری کسنجر نے عبرت ناک انجام کی دھمکی دی تھی، جس نے ایٹمی پروگرام شروع کیا اور اس کے لیے مجھ کو منتخب کیاتھا، جن کو اسی جرم کے نتیجے میں پھانسی دے دی گئی تھی، آج اسی پارٹی کے بے چارے سربراہ کا بس نہیں چلتا کہ وہ مجھے کسی طرح امریکیوں کے حوالے کردے اور شرم ناک ہے دوسری جماعتوں کی مجرمانہ خاموشی۔ کبھی مجھ سے پوچھیں کہ کیا ہوتی ہے آزادی،ہم نے اپنی آنکھوں سے دیکھاہے پاکستان بنتے۔مسلمان عورتوں کی عصمت دری،کٹے ہوئے سر،جلی ہوئی لاشیں ، خون سے لت پت ٹرینیں مجھے سب یاد ہے۔ جب بھی 14 اگست کا دن آتاہے میں سرپکڑ کر بیٹھ جاتاہوں کہ غداروں، وطن فروشوں اور مفاد پرستوں نے بڑی ہوشیاری سے ہمیں بیچ دیا اور ملک ایک بار پھر غلام بنادیا۔اس دلدل سے نکلنے کا واحد راستہ انقلاب ہے۔ امید کی ایک کرن اب نظر آتی ہے کہ بہاولپور سے تعلق رکھنے والے ایک نوجوان علی مسعود(موجودہ رہائش لاہور) اور اس کے ساتھیوں نے میری انقلاب کی دعوت کے نتیجے میں’ ’ پاکستان عوامی انقلاب“ کی بنیاد رکھ دی ہے۔ نام ایسا کہ یہ جماعت بھی ہے اور پیغام بھی ہے۔آپ سب آگے بڑھیں اور ان کا ساتھ دیں۔میں اس کی پوری حمایت اور سرپرستی کروں گا۔ تحریک آزادی پاکستان کے جذبے کی ایک بار پھر ضرورت ہے ۔میں آپ سب سے اپیل کرتاہوں کہ خود عملی طورپر بھی”پاکستان عوامی انقلاب“ کا حصہ بنیں اور مالی طورپر تعاون کرکے تحریک کو آگے بڑھائیں۔ یوم آزادی پرمیراپیغام یہی ہے کہ اس دن کی یاد اس طرح منائیں کہ کبھی ہم نے آزادی حاصل کی تھی اور اب عزم کریں کہ ہم نے ایک بار پھر آزادی حاصل کرنی ہے۔

روزنامہ جنگ راولپنڈی

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)

شمشاد احمد

ميرا خيال ہے ڈاكٹر صاحب كوغلط راہ پر ڈال ہي ديا گيا ہے۔۔۔۔۔۔ سياست وہ نقارہ ہے جہاں عورتوں كے‌دوپٹے اور علماء كي پگڑياں تك اچھل گئيں تو ڈاكٹر كيسے سر پرستي فرمائيں‌گے۔۔۔۔۔۔۔۔۔ ميں تو يہ سمجھتا ہوں كہ ڈاكٹر صاحب كو تعليم كے‌ميدان ميں اپنا كردار ادا كرنا چاہے۔۔۔۔۔‌اس سلسلے ميں ڈاكٹر عطاء الرحمن اور دوسرے مخلصين كا تعاون ان كو ضرور حاضل رہے‌گا۔۔۔۔‌ليكن يہ جماعتوں كے ذريعے انقلاب ميري سمجھ سے باہر ہے۔۔۔۔ خير علي مسعود صاحب كا كوئي پيغام اور منشور اگر كسي كے علم ميں ہے تو يہاں ضرور شيئر كرے۔۔۔۔۔ ديكھتے‌ہيں۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

عبدالقدوس

علی مسعود کا کہنا ہے انہوں نے اپنی ویب سائیٹ پر سب لکھا ہے۔
Ali Masood Syed

حیدر

شمشاد بھائی،میں جانتا ہوں کہ آج تو اپکا لکھنے کو دل نہیں چاہ رہا ۔ تاہم میں چاہتا ہوں کہ کسی دن آپ "تبدیلی ، حکومت اور پاکستان " کے موضوع پر تفصیلی قلم اُٹھائیں ایک علحدہ ٹاپک کی صورت میں۔ میں اتنا عرصہ گزر جانے کے باوجود آپکا موقف نہیں سمجھ پا رہا۔ سوائے اس کے کہ آپ جمہوریت کے خلاف ہیں۔