چین کی حکمراں جماعت کمیونسٹ پارٹی کے ترجمان کیشی کے تازہ شمارے میں ایسے اشارے دیے گئے جن سے یہ محسوس ہوتا ہے کہ اگلے دو تین سا ل میں ہند ۔چین جنگ چھڑ سکتی ہے۔اس سلسلہ میں عام خیال یہ ظاہر کیا جا رہا ہے کہ اگر ہندوستان اور چین کے درمیان جنگ چھڑی تویہ تیسری عالمی جنگ میں بدل سکتی ہے۔چین فوج کے معاملے میں تو پوری دنیا کو پیچھے چھوڑ ہی چکا ہے اب اقتصادی سطح پر بھی وہ امریکہ کو پچھاڑ کر دنیا کا مضبوط ترین اقتصادی ملک بننے کی تگ و دو میں مصروف ہے۔اور یہی بات امریکہ کو برداشت نہیں ہے اس لیے اگر چین نے ہندوستان پر حملہ کیا تو امریکہ ہندوستان کی حمایت میں میدان میں کود پڑے گا تو فوراً ہی ہندوستان کا ازلی دشمن پاکستان چین کی طرف سے جنگ چھیڑتے ہوئے ہندوستان کے خلاف ایک اور محاذ کھول دے گا۔اور ان چاروں ملکوں کی شمولیت دنیا کو دو حصوں میں بانٹ دے گی اور ایک دوسرے کے حامی ممالک باہم برسرپیکار ہو جائیں گے۔اس وقت چین کے پاس دنیا کی سب سے بڑی فوج ہے جبکہ ہندوستان فوجی تعداد کے معاملے میں دوسرے نمبر پرہے۔چین نے حال ہی میں دعویٰ کیا ہے کہ اس نے ایسے جدید ترین ہتھیار تیار کر لیے ہیں جو امریکہ کی ٹکر کے ہیں۔علاوہ ازیں ایٹمی ہتھیاروں کے معاملے میں بھی چین ہندوستان سے کہیں آگے ہے۔ایک اندازے کے مطابق چین کے پاس دو سو کے قریب ایٹم بم ہیں۔اگر چین ایتمی ہتھیاروں کا اسعمال کرتا ہے تو ہندوستان بھی اسے نہیں بخشے گا اور ایسے میں شیا میں زبردست تباہی مچ سکتی ہے اور اس کا ذمہ دار چین ہی ہوگا جس کا ہمیشہ سے ہیپیٹھ میں چھرا گھونپنے کا وطیرہ رہا ہے۔ اور ہندی۔ چینی بھائی بھائی کے نعرے کی آڑ میں اس نے 1962میں جس طرح اقصائے چن پر قبضہ کیا وہ پوری دنیا کو معلوم ہے۔

سورس: اُردوتہذیب

__________________