ہندوستان کی ریاست آسام میں پولیس فائرنگ سے 8افراد ہلاک۔
ہندوستان کی ریاست آسام میں مظاہرین پر پولیس کی فائرنگ سے 8افراد ہلاک اور20 زخمی ہو گئےہیں۔
مہرخبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان کی ریاست آسام میں مظاہرین پر پولیس کی فائرنگ سے 8افراد ہلاک اور20 زخمی ہو گئےہیں۔پولیس کے مطابق ضلع گوال پاڑہ میں مقامی افراد کی جانب سے شٹرڈاؤن ہڑتال اور احتجاجی مظاہرہ کیا گیا۔مظاہرین گاؤں میں انتخابات کرانے کا مطالبہ کر رہے تھے۔اس دوران پولیس اور مظاہرین کے درمیان جھڑپوں میں فائرنگ سے آٹھ افراد ہلاک ہو گئے۔پولیس کا کہنا ہے کہ علاقے میں صورتحال پر قابو پانے کے لیے فوج طلب کر لی گئی ہے اور کر فیو نافذ کر دیا گیا ہے۔