پاکستان میں امریکی سفارتخانے نے پاکستانی ذرائع ابلاغ کی ان رپورٹوں کو مسترد کردیا ہے جن میں یہ تاثر دینے کی کوشش کی ہے کہ امریکہ نے اسامہ بن لادن کی ہلاکت سے متعلق سچائی کا افشا روکنے کی غرض سے افغانستان میں ہونے والے ہیلی کاپٹر کے المناک حادثے میں اپنے فوجیوں کو خود مارا ہے ۔
امریکی سفارتخانے سے جاری بیان کے مطابق یہ خبریں بے بنیاد ہیں ہمیں پاکستانی میڈیا کی جانب سے اس طرح کے صریحاً چھوٹے الزامات شائع کرنے پرسخت مایوسی ہوئی ہے اور ہم ذمہ دار ذرائع ابلاغ سے مطالبہ کرتے ہیں کہ وہ حقائق کو درست طریقے سے بیان کریں ۔ حکومت امریکہ نے بار بار دہشتگرد حملوں میں پاکستانی جانوں کی قربانیوں کو خراج عقیدت پیش کیا ہے پاکستان اور امریکہ انتہا پسندوں اور دہشتگردوں کیخلاف مل کر لڑنے میں مشترکہ طور پر دلچسپی رکھتے ہیں جو بے رحمی سے ہمارے شہریوں کی جانیں لیتے ہیں امریکی حکومت اس خوفناک حادثے کی تحقیقات کررہی ہے ۔ مزید معلومات تحقیقات مکمل ہونے پر مہیا کی جائے گی ۔

__________________
تم قاتل نہیں ہو پیشہ ور گدھے!