واشنگٹن (آئی این پی) واشنگٹن پوسٹ نے کہا ہے کہ افغانستان میں طالبان کے ہاتھوں مارگرایا جانے والا چنیوک ہیلی کاپٹر اور اس میں سوار ٹیم 6کے ارکان صوبہ وردک میں 2ویلیوٹارگٹس کو ہلاک یاگرفتارکرنے کے مشن پر تھے، ہیلی کاپٹر اپنے ٹارگٹ کے قریب پہنچ چکا تھا کہ عسکریت پسندوں نے راکٹ مارکر اسے مارگرایا، عسکریت پسندوں نے مرنے والے اہلکاروں کی نعشیں اور ہیلی کاپٹرکا ملبہ قبضے میں لینے کی کوشش کی تاہم فوری طور پر دوسرے ہیلی کاپٹر میں سوار اہلکاروں نے موقع پر پہنچ کرکئی گھنٹے کی جھڑپ کے بعد عسکریت پسندوں کی کوشش ناکام بنا دی۔ اس جھڑپ میں 8عسکریت پسند جاں بحق ہو گئے۔ امریکی عہدیداروں کے مطابق چنیوک ہیلی کاپٹر دوپہر دو بجے کے قریب میدان وردک کے دورافتادہ علاقہ تنگی میں آپریشن کیلئے اڑا، آپریشن سے قبل ایک ماہ تک انٹیلی جنس سرگرمیاں اس علاقہ میں جاری رہی تھیں اور اس علاقہ میں اتحادی افواج پر حملوں میں ملوث 2ہائی ویلیو ٹارگٹس کی موجودگی کی نشاندہی کی گئی تھی۔ امریکی عہدیداروں کے مطابق ٹیم 6کا دستہ 250سے 300اہلکاروں پر مشتمل ہے اس دستہ نے ایبٹ آباد میں القاعدہ کے سربراہ اسامہ بن لادن کیخلاف آپریش میں حصہ لیا تھا۔ ٹیم 6کو نیول سپیشل وارفیئر ڈویلپمنٹ گروپ بھی کہا جاتا ہے۔ ایک سینئر امریکی فوجی عہدیدار نے بتایا کہ ٹیم 6کے 22اہلکاروں کی ایک موقع پر ہلاکت سے اس دستہ کی استعداد پر کافی اثر پڑیگا، حالیہ واقعہ امریکی خصوصی دستے کیلئے ایک بڑا دھچکا ہے۔ امریکی قومی سلامتی کونسل کے ترجمان ٹموتھی ویٹر نے حادثہ کو بڑانقصان قرار دیا ۔ اس واقعہ کے بعد افغانستان میں رواں سال مرنیوالے امریکی اہلکاروں کی تعداد 274 ہو گئی ہے۔
واشنگٹن پوسٹ

__________________
تم قاتل نہیں ہو پیشہ ور گدھے!