09ستمبر 2010
نیو یارک (مانیٹرنگ ڈیسک)انسانی حقوق کی تنظیم ہیومن رائٹس واچ پر سے ایک امریکی ادارے کی طور پر لگی چھاپ ختم کرنے کے لئے امریکی ارب پتی جارج سوروس نے ایک سو ملین ڈالر صرف کرنے کا اعلان کرتے ہوئے کہا کہ انسانی حقوق کے تحفظ کے حوالے سے امریکہ کی اب وہ ساکھ نہیں رہی جو پہلے تھی اس لئے ہیومن رائٹس واچ پر منفی اثر پڑ رہا ہے۔ اسی سالہ سوروس کے مطابق ایک سو ملین ڈالر کے ذریعے ہیومن رائٹس واچ کو ایک حقیقی بین الاقوامی ادارے کے طور پر ڈھالنے کی کوشش کی جائے گی جس میں امریکی شہری اقلیتی ارکان کے طور پر رہیںگے۔اس نے یہ اعلان امریکی نیشنل ریڈیو کودیئے گئے انٹرویو میںکیا،یہودی عقائد کا پیروکار اسی سالہ جورج سوروس 1930ءمیں ہنگری میں پیدا ہوا۔ وہ ایک چالاک امریکی بزنس مین اور سماجی شعبے کی سرگرم شخصیت کے طور پر جانا جاتا ہے۔ سوروس کی گرانٹ ملنے کے بعد ہیومن رائٹس واچ کا سالانہ بجٹ 48 سے 80 ملین ڈالر تک پہنچ جائے گا۔ہیومن رائٹس واچ نے عندیہ دیا ہے کہ وہ سوروس کی جانب سے ملنے والی اس گرانٹ کے ذریعے دنیا بھر میں اپنے کارکنوں کی تربیت اور ایسے ممالک میں تحقیق پر صرف کری گی جہاں انسانی حقوق کی پامالیاں عام ہیں۔

__________________
جاویداسد