کراچی، آئی جی سندھ فیاض احمد لغاری نے ہیپا ٹائٹس کیمپ میں ٹیسٹ نہ کرانے والے پولیس اہلکاروں کی تنخواہ روکنے اور حراست میں لینے کا حکم دے دیا ہے، یکم مئی سے جاری کیمپ میں اب تک 90 ہزار افسران و اہلکاروں کے خون کے نمونے لیے گئے جن میں سے تقریباً 9 ہزار سے زائد اہلکاروں کے ٹیسٹ پوزیٹو آئے ہیں، کیمپ 30 مئی کو مکمل کر لیا جائے گا، ایڈیشنل آئی جی ویلفیئر علی شیر جکھرانی نے بتایا کہ سندھ پولیس کو ہیپاٹائٹس جیسے مہلک مرض سے محفوظ رکھنے کے لیئے پہلی مرتبہ ہیپا ٹائٹس کیمپ کا انعقاد کیا گیا جو کہ یکم مئی سے 21 مئی تک جاری رہنا تھا تاہم 19 مئی کو آئی جی کی زیر صدارت اجلاس میں کیمپ کی تا ریخ میں30 مئی تک کی توسیع کر دی گئی، انھوں نے کہا کہ آئی جی سندھ فیاض احمد لغاری نے حکم دیا ہے کہ جو بھی اہلکار ٹیسٹ کے لیے اپنے خون کے نمونے دینے سے انکار کرے اس کی تنخواہ روک لی جائے اور پھر اگر وہ ٹیسٹ کے لیے حاضر نہ ہو تو اسے حراست میں لے لیا جائے۔

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر