جب بھی کوئی مسئلہ سامنے آیا وزیراعظم نے آگے بڑھ کر تعاون کیا، حج کرپشن کےس کے دوران ریمارکس
اسلام آباد(سپیشل رپورٹر، اے پی پی) چیف جسٹس افتخار احمد چوہدری نے وزیراعظم سید یوسف رضا گیلانی کو بھرپور تعاون کرنے والا وزیراعظم قرار دیتے ہوئے کہا ہے کہ جب بھی کوئی مسئلہ سامنے آیا وزیراعظم نے آگے بڑھ کر اسے حل کرنے کیلئے تعاون فراہم کیا ہے۔ جمعہ کو یہاں حج کرپشن سکینڈل کیس کی سماعت کے دوران عدالتی فیصلوں پر عملدرآمد کے حوالہ سے سرکاری اداروں کا ذکر آنے پر چیف جسٹس نے وزیراعظم کی طرف سے تعاون کو سراہا اور وفاق کے وکیل عبدالحفیظ پیرزادہ سے کہاکہ وزیراعظم نے ہمیشہ عدالت سے تعاون کیا ہے، جب بھی ہمیں کوئی مسئلہ درپیش آیا ہے انہوں نے آگے بڑھ کر تعاون فراہم کیا حتیٰ کہ عدالت کو اس حوالہ سے ایوان صدر سے بھی کبھی کوئی شکایت نہیں ملی۔