اسلام آباد............وزیراعظم یوسف رضاگیلانی کے دورہ چین کے موقع پر پاکستان اور چین کے درمیان سول نیوکلیئر معاہدے کا امکا ن ہے۔وزیراعظم 23اکتوبر کو تین روزہ دورے پر چین روانہ ہونگے۔وہ یورپ ایشیاءسربراہی کانفرنس میں پاکستان کی نمائندگی کریں گے۔ ذرائع کے مطابق وزیراعظم یوسف رضا گیلانی 23اکتوبرس کو تین روزہ دورے پرچین روانہ ہونگے۔اس دورے کے دوران وہ چین کے صدر وزیراعظم اوردیگر اہم شخصیات سے ملاقاتیں کریں گے ۔ملاقاتوں کے دوران دو طرفہ باہمی امور خطے میں امن وامان کی صورتحال وعلاقائی عالمی معاملات پر تبادلہ خیال کیاجائے گا اس دورے میں وزیراعظم کے ساتھ اعلیٰ سطحی وفد بھی جائے گا۔وزیراعظم اس دورے کے دوران یورپ ایشیاءسربراہی کانفرنس میں پاکستان کی قیادت کریں گے۔ موجودہ صورتحال میں وزیر اعظم کے اس دورے کو انتہا ئی اہمیت کی نظر سے دیکھا جا رہا ہے ۔ذرائع کے مطابق وزیراعظم یوسف رضاگیلانی کے دورہ چین کے موقع پر پاکستان اور چین کے درمیان سول نیوکلیئر معاہدے کا امکا ن ہے۔ اس حوالے سے دونوں ممالک کے درمیان پہلے سے کافی پیش رفت ہو چکی ہے۔واضح رہے کہ گزشتہ ہفتے صدر آصف علی زرداری چین کا چار روزہ دورہ کر کے واپس آئے ہیں ۔ صدر کے دورے کے دوران چین کے ساتھ مختلف شعبوں میں تعاون کے بارہ معاہدے طے پائے ہیں ‘ چین پاکستان میں دو ایٹمی بجلی گھر لگائے گا ‘ پاکستان چین کے تعاون سے جلد پہلا مواصلاتی سیارہ لانچ کریگا‘ چین زرعی و معاشی اور توانائی کے شعبے میں تعاون کو فروغ دیگا پاکستان میں صنعتیں قائم کرنے کے لئے چین کو اراضی¸ فراہم کریں گے‘ چینی بنکاروں کو پاکستان میں کاروبار کی دعوت دیں گے اور ان بنکوں کی شاخیں جلد پاکستان میں کھولی جائیں گی‘ صدر مملکت ہر تین ماہ بعد چین کا دورہ کریں گے ‘ پاک چین مشترکہ جوہری کمیشن کا اجلاس بلانے پر اتفاق ہوا ہے‘ چین نے فرینڈز آف پاکستان کو سپورٹ کرنے کا فیصلہ کیا ہے .
٭٭٭٭٭