یونس خان نے پی سی بی کی مخصوص لابی سے تنازعات کے بعد ریٹائرمنٹ پر غور شروع کردیا
اسلام آبا د۔۔۔۔۔۔ پاکستان کے سینئر بلے باز یونس خان نے پاکستان کرکٹ بورڈ کی مخصوص لابی کے ساتھ تنازعات کے بعد ریٹائرمنٹ پر غور شروع کردیا ہے ۔ ذرائع نے دعوی کیا ہے کہ پاکستان کرکٹ بورڈ کے رویے کی وجہ سے یونس نے خان ریٹائرمنٹ کیلئے سنجیدگی سے غور شروع کردیا ہے ۔ ذرائع کےمطابق بنگلہ دیش کیخلاف سیریزمیں آخری تین ایک روز میچز کیلئے ان کو ٹیم میں شامل نہ کئے جانے پر و ہ خوش نہیں ہیں ۔ جبکہ انڈیا کیخلاف سیریز سے قبل کپتانی کے حوالے سے پیش آنے والے معاملات بھی ابھی دھندلے نہیں ہوئے جس کی بنا انہوں نے قبل از وقت ریٹائرمنٹ لینے پر سنجیدگی سے غور شروع کیا اس حوالے سے انہوں نے اپنے قابل بھروسہ دوستوں اور سنئیر ز سے بھی مشورہ لینے کا سلسلہ شروع کردیا ہے ۔دوسری جانب معلوم ہوا کہ پاکستان کرکٹ بورڈ کی ایک مخصوص لابی نے بنگلہ دیش کیخلاف سیریز کھیلنے سے انکا ر پر انکے خلاف ڈسپلنری ایکشن لینے کیلئے اقدامات کا آغاز کردیا ہے ۔ذرائع کے مطابق اس فیصلے پر یونس خان کی پی سی بی کے بعض اعلی حکام سے تلخ کلامی بھی ہوئی تھی تاہم اس موقع پر چئیر مین پی سی بی اور چیف سلیکٹر بیچ میں کود پڑے اورمعاملہ کو ٹھنڈا کردیا۔ دریں اثنامعلوم ہوا ہے کہ یونس خان کرکٹ بورڈ کی جانب سے انٹر نیشنل کرکٹ کونسل کے اینٹی کرپشن یونٹ کو تحقیقات کی اجازت دینے پر بھی ناراض جس کی وجہ سے دنیا بھر میں انکے امیج کو نقصان پہنچا ہے ۔ذرائع کے مطابق انکی جانب سے حتمی فیصلہ آئندہ ہفتے کسی بھی وقت متوقع ہے ۔