یہ تیسرا ایٹم بم ہے جو جاپان پر گرا ہے

**کنعان** · 14-03-11, 03:28 AM

وسعت اللہ خان
بی بی سی اردو ڈاٹ کام، کراچی

لگتا ہی نہیں یہ وہی قوم ہے جو دو سو برس پہلے تک ان سمورائی جنگجو سرداروں کے تابع تھی جنہوں نے پورے ملک کو مولا جٹ نامی پنجابی فلم میں تبدیل کررکھا تھا۔گمان ہی نہیں ہوتا کہ یہ وہی نسلی گروہ ہے جو خود کو سورج دیوتا کی اولاد اور تمام ایشیائی اقوام کو اپنے سے نیچ سمجھتا تھا۔ محسوس ہی نہیں ہوتا کہ یہ وہی ملک ہے جس نے سو برس پہلے اپنے ہمسائے کوریا کو ایک قحبہ خانے میں تبدیل کردیا تھا۔

شائبہ تک نہیں ہوتا کہ اس ملک کی فوج اتنی خونخوار تھی جس نے سنہ تیس کے عشرے میں چین کے علاقے مانچوریا کو ایک قبرستان میں بدل دیا تھا اور ناکنگ شہر کی ایک ملین آبادی کو ٹکٹکی پر چڑھا دیا اور پھر دوسری عالمی جنگ میں فلپینز سے برما تک کے علاقے کو ایک بڑے سے بیگار کیمپ میں بدل کرکے پوری پوری آبادیوں کو قلی بنا ڈالا۔ تصور میں ہی نہیں آسکتا کہ یہ وہی ملک ہے جو جنگ کے خاتمے تک خود بھی راکھ کا ڈھیر بن گیا۔

ہونا تو یہ چاہیے تھا کہ یہ قوم پوری طرح برباد ہونے کے بعد انتقام کی آگ میں جلتی رہتی اور ان تمام ممالک سے چن چن کر بدلہ لینے کی سوگند کھاتی جنہوں نے اسے شکست اور ذلت کے غار میں دھکیل دیا۔ لیکن اس قوم نے اپنی شکست کا انتقام بھی بڑے عجیب طریقے سے لیا۔ فوج کو توڑ ڈالا۔ ہتھیار پگھلا دیے۔سائنس و ٹیکنالوجی کو مذہب کر لیا۔ پورا معاشرہ اگلے پچیس برس میں کپڑے جھاڑ کر نہ صرف دوبارہ کھڑا ہوگیا بلکہ امریکہ سمیت پوری دنیا کو اپنی معجزاتی معاشی ترقی کی نتھ ڈال دی۔

گذشتہ چھپن برس میں یہ تیسرا ایٹم بم ہے جو جاپان پر گرا ہے۔ پھر بھی تین روز کے دوران جاپان میں لوٹ مار کی کوئی واردات نہیں سنی گئی۔ کہیں سے عمومی بھگدڑ کی اطلاع نہیں آئی۔وہ جو کہتے ہیں کہ کسی بھی قوم کا اصل چہرہ دکھ اور سکھ کی کیفیت میں سامنے آجاتا ہے۔

اس سے شدید زلزلہ کبھی نہیں آیا۔ایسی تباہی تو صرف فلموں میں دکھائی جاتی ہے۔ گذشتہ چھپن برس میں یہ تیسرا ایٹم بم ہے جو جاپان پر گرا ہے۔ پھر بھی تین روز کے دوران جاپان میں لوٹ مار کی کوئی واردات نہیں سنی گئی۔ کہیں سے عمومی بھگدڑ کی اطلاع نہیں آئی۔ کوئی احتجاجی جلوس نہیں نکلا۔ کسی گاڑی نے ٹریفک سگنل نہیں توڑا۔ کہیں قطار نہیں ٹوٹی۔ کسی نے کسی سے خوراک نہیں چھینی۔ کسی نے حکومت کی امدادی کوششوں پر تنقید نہیں کی۔ بال کی کھال نکالنے والا عالمی میڈیا جاپانیوں کی امدادی سرگرمیوں اور انسانی حوصلے کے معیار کا قصیدہ خواں ہے۔ جو جہاں جو بھی کرسکتا ہے جٹا ہوا ہے۔

اب تو شک ہونے لگا ہے کہ جاپانی کہیں واقعی سورج دیوتا کی ہی اولاد نا ہوں !!!

بحوالہ خبر

**زارا** · 14-03-11, 10:51 AM

السلامُ علیکم

میں نے سُنا ہے کہ جاپان میں آج تک بادشاہ کو سورج دیوتا کی اولاد یا اوتار مانا جاتا ہے اوران کی ہی بنا پر سورج چڑھنے کے اوقات میں کوئی نماز نہیں رکھی گئی۔ واللہ اعلم

**مرزا عامر** · 14-03-11, 02:09 PM

جاپانی بہت حساس قوم ہے ۔ یہ کام اور اصول کے بہت پکے ہوتے ہیں ۔ ۔ شکست سے انہیں نفرت ہے چاہے کسی قسم کی بھی ہو ان کی ایک خاص بات اور بھی ہے وہ یہ کہ عام طور پر یہ اپنا غم دوسروں کو نہیں بتاتے اور اندر ہی اندر گُھلتے رہتے ہیں اور ایک وہ وقت آتا ہے جب یہ خود کشی کر لیتے ہیں ۔ جاپان میں ہر 15 منٹ بعد ایک خود کشی ہوتی ہے ۔

14-03-11, 10:51 AM	#2
زارا Senior Member تاریخ شمولیت: Jan 2009 مقام: اللہ کی زمین عمر: 24 مراسلات: 9,855 کمائي: 278,190 شکریہ: 1,155 6,270 مراسلہ میں 14,161 بارشکریہ ادا کیا گیا	السلامُ علیکم میں نے سُنا ہے کہ جاپان میں آج تک بادشاہ کو سورج دیوتا کی اولاد یا اوتار مانا جاتا ہے اوران کی ہی بنا پر سورج چڑھنے کے اوقات میں کوئی نماز نہیں رکھی گئی۔ واللہ اعلم Share Share this post on Digg Del.icio.us Technorati Twitter Facebook!

14-03-11, 02:09 PM	#3
مرزا عامر Senior Member تاریخ شمولیت: Jun 2010 مقام: Finland مراسلات: 4,644 کمائي: 84,734 شکریہ: 28,669 4,115 مراسلہ میں 13,069 بارشکریہ ادا کیا گیا	جاپانی بہت حساس قوم ہے ۔ یہ کام اور اصول کے بہت پکے ہوتے ہیں ۔ ۔ شکست سے انہیں نفرت ہے چاہے کسی قسم کی بھی ہو ان کی ایک خاص بات اور بھی ہے وہ یہ کہ عام طور پر یہ اپنا غم دوسروں کو نہیں بتاتے اور اندر ہی اندر گُھلتے رہتے ہیں اور ایک وہ وقت آتا ہے جب یہ خود کشی کر لیتے ہیں ۔ جاپان میں ہر 15 منٹ بعد ایک خود کشی ہوتی ہے ۔ Share Share this post on Digg Del.icio.us Technorati Twitter Facebook! __________________ میں اک دن لَوٹ کے آوں گا

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
تیسری آنکھ	محمدعدنان	اردو ادب سے اقتباسات	5	28-10-11 09:41 AM
ایٹمی توانائی کے عالمی ادارے کے سربراہ ایرانی ایٹمی معلومات امریکا کو دیتے رہے	گلاب خان	خبریں	1	03-12-10 11:22 AM
دنیا کی تیسری مخلوق چور اور ڈاکو	جاویداسد	خبریں	1	04-07-10 11:05 PM
تیسری دنیا	طارق راحیل	سیاست	0	02-01-09 07:55 PM
ہمارے فورمز کے تیسرے دو ہزاری	منتظمین	خاص آفرز اور اعلانات	10	05-10-07 11:55 AM

Currently Active Users Viewing This Thread: 1 (0 members and 1 guests)