میران شاہ ۔۔۔۔۔۔۔ جنوبی وزیرستان میں منگل کی صبح مکین کی پہاڑیوں پرچیک پوسٹ پر حملے میں 4 سیکیورٹی اہلکاروں کے اغواء کے بعد سیکیورٹی فورسزنے جنگجوؤں کے خلاف کارروائی شروع کردی جس کے نتیجے میں پاک فوج نے5جنگجوؤں کوہلاک اور20دیگرکوگرفتارکرلیا۔پاک فوج کے بیاں میں کہا گیا ہے کہسیکیورٹی فورسزنے شرپسندوں کے ٹھکانوں پرآرٹلری اورمارٹر گولے داغے جس کے باعث5 جنگجو ہلاک اور20حراست میں لے لیے گئے۔ بیان میں مزید کہا گیاہے کہ عمائدین کا ایک جرگہ آئندہ 24گھنٹوں میں جھڑپوں کی بندش کیلئے مداخلت کرے گا۔ مقامی انتظامیہ نے بتایا کہ جنگجوؤں کا تعلق بیت اللہ محسود کے حامیوں سے ہے۔ مقامی انتظامیہ کے مطابق مغوی اہلکار قلعہ کے قریب ایک چیک پوسٹ سے پیدل اسکاؤٹس قلعہ لدھا آ رہے تھے کہ ایک پہاڑی نالے میں مسلح نقاب پوشوں نے ان پر حملہ کیا اور چاروں اہلکار وں کواغواء کرکے نامعلوم مقام پر منتقل کردیا۔