لاہور /ملتان۔۔۔۔۔۔ پاکستان ریلویز کے ترجمان نے کہا ہے کہ لاہور اور کراچی کے درمیان ٹرین سروس بحال کر دی گئی ہے۔کراچی اور پشاور کے درمیان ٹرین سروس آج 2 جنوری کو بحال ہو جائے گی۔تفصیلات کے مطابقمنگل کی شام 4 بجے لاہور سے قراقرم ایکسپریس کراچی کے لئے جبکہ منگل کے روز ہی کراچی سے لاہور کے لئے قراقرم ایکسپریس شام 4 بجے روانہ ہوئی۔ منگل کی رات خیبر میل ٹرین رات 10 بجے پشاور سے براستہ لاہور کراچی کے لئے روانہ ہو گئی خیبر میل نے بھی منگل کی رات کراچی سے مقررہ وقت پر اپنی سروس کا آغاز کر دیا۔ ریلوے ترجمان نے کہا کہ آج 2 جنوری کو تیزگام اور سپر ایکسپریس ٹرینیں بھی حسب سابق اپنے اپنے مقررہ اوقات کے دوران چلنا شروع ہو جائیں گی۔