کراچی (اسٹاف رپورٹر) کورنگی میں منگل کو موبائل فون چھیننے کی واردات کے دوران ایک نوجوان ہلاک ہوگیا اور دوسرا زخمی ہوگیا نامعلوم ملزمان شہر کے مختلف علاقوں سے 45گاڑیاں اور 50 موبائل فون چوری و چھین کر لے گئے۔ تفصیلات کے مطابق کورنگی میں دکان پر مسلح افراد آئے اور مقصود سے موبائل فون چھیننے لگے تو اس نے مزاحمت کی جس پر مسلح افراد نے فائرنگ کردی جس سے مقصود ہلاک اور اس کا دوست ذیشان زخمی ہوگیا جبے طبی امداد کے لئے اسپتال لایا گیا جبکہ شہر کے مختلف علاقوں سے نامعلوم افراد 35 موٹر سائیکلیں، 10کاریں چوری و چھین کر لے گئے اور نامعلوم افراد نے 28 موبائل فون اور باقی چھین کر لے گئے۔